Smiley face
Smiley face
Smiley face

٥٢ ژنی زیندانیی سیاسیی لە تورکیا مانیان لە خواردن گرت

2017-08-10 11:31:23



رۆژنیوز - ناوەندی هەواڵەکان

 

٥٢ ژنی زیندانیی سیاسیی لە زیندانی ژنانی تارسووسی تورکیا مانگرتن لە خواردنیان ڕاگەیاند بۆ ماوەی پێنج ڕۆژ.

 

ماوەی دوو ڕۆژە لە زیندانی ژنانی شارۆچکەی تارسووسی سەربە شاری مەرسین لە تورکیا ، ٥٢ زیندانی سیاسی دژی ئەشکەنجە و هەڵسوکەوتی نەشیاوی بەڕێوەبەرانی زیندانەکە بەرامبەر بە زیندانیان بۆ ماوەی پێنج ڕۆژ مانگرتن لە خواردنیان ڕاگەیاندووە.

 

مانگرتووان ١٢ خاڵیان بۆ بەڕێوەبەرانی زیندانەکە دیاریکردووە و هۆشداریشییان داوە، کە ئەگەر ئەو ١٢ خاڵە جێبەجێ نەکرێن بەردەوام دەبن لە مانگرتنەکەدا پاش پێنج ڕۆژەکەش.

 

هەندێک لە داواکارییەکانی ئەو زیندانییانە بەم شێوەیەن: ئەشکەنجە و هەڵسوکەوتی نەشیاو بەرامبەر بە زیندانیان کۆتایی پێ بێت، زیندانیانی نەخۆش چارەسەری پزشکییان بۆ بکرێت، گەڕان و پشکنینی کەلوپەلی زیندانییەکان کۆتاییان پێ بێت، سزای زیندانی تاکەکەسی نەمێنێت و نوێنەرانی زیندانیان لەگەڵ بەڕێوبەری زیندانەکە دانیشن و دانوستان بکەن سەبارەت بە دواکاریی زیندانییەکان.

 

ش.ف
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin