Smiley face
Smiley face
Smiley face

پیاوێک کۆتایی بە ژیانی خۆی هێنا

2017-10-12 12:00:58



ڕۆژنیوز – ناوەندی هەواڵەکان

 

پیاوێک لە یەکێک لە گوندەکانی سەر بە شارەدێی دیبەگە لە پارێزگای هەولێر کۆتایی بە ژیانی خۆی هێنا و لێکۆڵینەوە لە ڕووداوەکە دەستیپێکردووە.

 

کاتژمێرێک پێش ئێستا، بەڕێوبەرایەتی پۆلیسی هەولێر لە پەیجی تایبەتی خۆی لە تۆڕی کۆمەڵایەتی فەیسبووک ڕایگەیاند کە دوێنێ ئێوارە کاتژمێر٧:٠٠، پۆلیس ئاگادار کرانەوە، کە لە گوندی عاڵلا سەر بەشارەدێی دیبەگە کە گەنجێک کۆتایی بە ژیانی خۆی هێناوە.

 

لە ڕاگەیەندراوەکەی پۆلیسی هەولێردا مقدمی پۆلیس ایوب جەوهەر، لێپرسراوی بنکەی پۆلیسی دیبەگە ڕایگەیاندووە، دوای گەیشتنی پۆلیس بۆ شوێنی ڕووداوەکە دەرکەوت کەوا هاوڵاتییەکە ناوی (سەفین تەحسین ڕەسوڵ) خێزاندارە و باوکی سێ منداڵە.

 

هەروەها، هاتووە: تەرمی سەفین ڕەوانەی پزیشکی دادی کرا، دۆسیەی لێکۆڵینەوە بۆ ئەم ڕووداوە کرایەوە لە لایەن پۆلیس.

 

لە ڕاگەیەندراوەکەی پۆلیسدا ئاماژە بە هۆکاری خۆکوشتنەکەی و بە چی کۆتایی بە ژیانی خۆی هێناوە نەکراوە.

 

 

ش.ف


 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin