Smiley face
Smiley face
Smiley face

پێنج هەزار ئاوارەی دێرەزۆر گوازرانەوە بۆ کامپی عەین عیسا

2017-10-12 15:05:54



ڕۆژنیوز - ناوەندی هەواڵەکان

 

پێنج هەزار هاوڵاتی دێرەزۆر، کە بەهۆی کردەوەی چەتەکانی داعش و بۆردومانی فڕۆکە جەنگییەکانی ڕووسیا و ڕژێمی سوریا ئاوارەبوون، گوازرانەوە بۆ کامپی پەنابەرانی عەین عیسا.

 

ئەمڕۆ پێنج هەزار ئاوارەی دێرەزۆری کە ماڵ و ژیانیان لە دەستداوە گەیشتنە کامپی عەین عیسای سەربە گرێسپی هەرێمی فوراتی باکوری سوریا.

 

ئەو ئاوارانە وێرای دەربڕینی خوشحاڵی بۆ ڕزگاربوون لە چنگی هێرشی چەتەکانی داعش و بۆردومانەکانی ڕوسیا و سوریا داوا لە ڕێکخراوە نێودەوڵەتییەکان دەکەن هاوکارییان بکەن و پێداویستییەکانی ژیانیان بۆ دابین بکەن.

 

هاوکات ئەنجومەنی مەدەنی ڕەقە، بەپێی توانا و دەرفەتەکانی پێداویستییە سەرەکییەکانی ئەو ئاوارانەی دابینکرد.

 

جێگای ئاماژەیە، کە تا ئێستا نزیکەی ١٨ هەزار ئاوارەی دێرەزۆری گوازراونەتەوە بۆ کامپی پەنابەرانی عەین عیسا.

 

هەروەها لە دەستپێکی ئۆپەراسیۆنی گەردەلولی جزیرە بۆ ڕزگارکردنی ڕۆژهەڵاتی ڕووباری فورات و ڕۆژهەڵاتی دێرەزۆر، شەڕڤانانی هێزەکانی سوریای دیموکرات زیاتر لە ١٠ هەزارهاوڵاتی دێرەزۆریان لە چنگی چەتەکانی داعش ڕزگارکردووە.

 

 

ش.ف


 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin