Smiley face
Smiley face
Smiley face

پێنج ژنە زیندانیی کورد لە مانگرتنی خواردن بەردەوامن

2017-10-19 09:35:00



ڕۆژنیوز – ناوەندی هەواڵەکان

 

پێنج ژنە زیندانیی کورد لە زیندانی ناوەندی ورمێدا لە ڕۆژی ١١ی ئەم مانگەوە مانیان لە خواردن گرتووە و هەتا ئێستاش بەردەوامن لە مانگرتنەکەیان.

 

ئەو ژنانە لە هەشتەمین ڕۆژی مانگرتن لە خواردندان، هۆکاری مانگرتنەکەشیان بەهۆی ئەو پێشێلکارییەکانیانە بووە کە لەلایەن پاسەوانەکانی زیندانەکەوە بەرامبەریان دەکرێت.

 

پاسەوانەکانی زیندانی ناوەندی ورمێ بە بەهانەی پشکنینی ژوورەکان ڕژاونەتە ناو ژوورەکانی ژنە بەندکراوەکان و کەلوپەلی تایبەتی زیندانیان گەڕاون، هەر ژنێکیش ڕێگەی پێنەدابێتن ئەوا ئەشکەنجە دراون و بێڕێزیان بەرامبەر کراوە.


لە بەرامبەر ئەو بێڕێزی و ئەشکەنجەدانانەشدا پێنج ژن بە ناوەکانی "ئاڕاستە ڕەنجبەر، محەبەت محەمەدی، زەینەب سەکاوەند، نازدار وەتەن خاهـ و نەسرەت عەلی نەژاد" لە ڕۆژی ١١ی مانگەوە مانگرتنیان لە خواردن ڕاگەیاندووە.

 

جێگای ئاماژایە کە محەمەد نەزەری، زیندانیی سیاسیی کورد ئەمڕۆ لە ٨٢یەمین ڕۆژی مانگرتن لە خواردنیدایە لە زیندانی ڕەجایی-شاری کەرەج و ڕاشیگیاندووە تا کاتێک پێداچوونەوە نەکرێت بۆ دۆسییەکەی بەردەوام دەبێت لە مانگرتن لە خواردنەکەی، ناوبراو دوێنێ بەهۆی ناجێگیربوونی دۆخی تەندروستییەوە گوازرایەوە بۆ نەخۆشخانە.

 

ئەمەش ئەوەمان پێدەڵێت کە پێشێلکارییەکان و ئەشکەنجەدان لە زیندانەکانی ڕۆژهەڵاتی کوردستان و ئێراندا بەرامبەر بە زیندانییە کوردەکان بەردەوامە.

 

ڕ.م



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin