Smiley face
Smiley face
Smiley face

ئاڵۆزییەکانی خانەقین شەهێدێک و شەش برینداری لێ کەوتەوە

2017-10-19 19:00:51



ڕۆژنیوز - هاوڕێ کرێکار

 

لە ئەنجامی ئاڵۆزییەکانی شاری خانەقینی دوای نیوەڕۆی ئەمڕۆ، گەنجێک بەناوی محەمەد نوری شەهید بوو و شەش کەسی دیکەش بریندار بوون کە دۆخی یەکێکان مەترسیدارە و لە نەشتەرگەریدایە.

 

دوای نیوەڕۆی ئەمڕۆ، لە شاری خانەقینی سەر بە ئیدارەی گەرمیان، خۆپیشاندان دژی هێزەکانی حەشدی شەعبی دەستیپێکرد، لە دەرەنجامی تەقەی ئەو هێزانە بەڕووی خۆپیشاندەران کەسێک شەهید بوو و شەش کەسی دیکەش بریندار بوون.

 

دکتۆر ڕابیعە عەباس، پزیشکی خۆبەخش لە نەخۆشخانەی فریاکەوتنی خانەقین بە ڕۆژنیوزی ڕاگەیاند: لە ئەنجامی ئەو دەستڕێژە ڕاستەوخۆیانەی کە بەرەو ڕووی خۆپیشاندەران کراوە لە خانەقین، گەنجێکی بەناوی محەمەد نوری شەهید بووە و شەش کەسی دیکەش بریندارن، دۆخی یەکێک لە بریندارەکان سەختە و ئێستا لە ژووری نەشتەرگەرییە.

 

 

دوای پاشەکشێی پێشمەرگە و دوای کۆنترۆڵکردنی خانەقین لەلایەن سوپای عێراق و حەشدی شەعبییەوە، سەرەڕای داگرتنی ئاڵای کوردستان لەسەر فەرمانگە و دامو دەزگاکان، لە نێوەڕاستی قەزاکەش ئاڵای کوردستان سووتێندراو ئەمەش لە لایەن خەڵکەکەوە بە سووکایەتی لەقەڵەم درا، بەهۆیەوە خۆپیشاندان دەستیپێکرد.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin