Smiley face
Smiley face
Smiley face

ترێلەیەک هاوکاریی لە دەرەوەی وڵات گەیشتە کفری

2017-10-20 15:23:22



ڕۆژنیوز - بۆتان گەرمیانی

 

بە هاوکاری کۆمەڵێک هاوڵاتی خۆبەخش و ڕێکخراوی ڕێباز فاوەندەیشن، ترێلەیەک هاوکاریی لەدەرەوەی وڵاتەوە، گەیشتە شارۆچکەی کفری، سەربە ئیدارەی گەرمیان.

 

سەرلەبەیانی ئەمڕۆ، باری تڕێلەیەک هاوکاریی لە دەرەوەی وڵاتەوە گەیشتە شارۆچکەی کفری کە هەموو جۆرە هاوکارییەکی هەڵگرتبوو بۆ ئاوارەکانی نیشتەجێی کفری.

 

نورەدین سابیر، یەکێک لەو هاوڵاتییە خۆبەخشانەی شارۆچکەی کفری بوو، کە پەیوەندی کردوە بە ڕێکخراوی، ڕێباز فاوەندەیشن، بۆ هێنانی هاوکارییە  کۆکراوەکانیان بۆ شارۆچکەی کفری و دابەشکردنیان بەسەر ئاوارەکانی دوزخورماتوودا، بۆ ڕۆژنیوز قسەی کرد و وتی:"خەڵکی دوزخورماتو کاتێک ماڵەکانیان بەجێهێشت، نەیان توانی هیچکام لە پێداویستییەکانیان لەگەڵ خۆیان بێنن، هەر بۆیە من بە ئەرکێکی نیشتمانی و مرۆڤانەم زانی کە پەیوەندی بەچەند هاوڕێیەکمەوە بکەم کە باری ئابوریان باشە، بۆ هاوکاریکردنمان، بۆ ڕێکخراوی ڕێباز فاوەندەیشن، بۆ هێنانی کۆمەک و هاوکاری بۆ کفری و دابەشکردنیان بەسەر ئاوارەکاندا".

 

 

هەروەها وتیشی:"خۆشبەختانە توانیمان لە ماوەی دوو ڕۆژدا پێنج ترێلە هاوکاری کۆبکەینەوە و بینێرین بۆ ئاوارەکانی گوندی داوێ و دەوروبەری، ئەمڕۆش، ترێلەیەک هاوکاری لە دەرەوەی وڵاتەوە هاتووە بۆ کفری، بۆ ئاوارەکانی دوزخورماتوو".

 

 

زانیار ڕەشاد، نوێنەری ڕێکخراوی ڕێباز فاوەندەیشن، لە سنوری شاری کەرکوک و شارۆچکەی دوزخورماتوو، بە ڕۆژنیوزی وت:"ئێمە وەکوو ڕێکخراوی، ڕێباز فاوەندەیشن، نزیکی دەساڵە ڕێکخراوەکەمان لە بواری کاری خێرخوازی و خول و چەندین کاری تر بە شێوازی خۆبەخشانە، خزمەت بە کۆمەڵگا دەگەیەنین، هەر بۆیەش دوای هێرش و پەلامارەکانی هێزی حەشدی شەعبی بۆ سەر شارۆچکەی دوزخورماتوو و ئاوارەبوونی خەڵکەکەی، بڕیارمان دا کە لە زۆربەی شار و شارۆچکەکاندا، کەمپین ڕابگەیەنین بۆ کۆکردنەوەی هاوکاری".

 

 

وتیشی:"ئەمڕۆ بە هاوکاری کۆمەڵە کەسێکی خۆبەخشی شارۆچکەی کفری، توانیمان هاوکارییەکانمان بهێنینە کفری، و هاوکات ترێلەیەک پێداویستی کە لە دەرەوەی وڵاتەوە هاتووە، ئەمڕۆ بیگەیەنینە کفری و بەسەر نزیکەی ٢٠٠خێزانی، ئاوارەی دوزخورماتودا دابەشی بکەین".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin