Smiley face
Smiley face
Smiley face

پۆستەری ئۆجالان لە بەردەم نەتەوە یەکگرتووەکان بەرزکرایەوە

2017-10-23 08:53:35



ڕۆژنیوز - ناوەندی هەواڵەکان

 

چەند چالاکوانێکی کورد بە مەبەستی دەربڕینی نیگەرانی سەبارەت بە دۆخی تەندروستیی عەبدوڵا ئۆجالان، ڕێبەری پەکەکە، لە بەردەم ناوەندی نەتەوە یەکگرتووەکان لە جنێف پۆستەری ئۆجالانیان بەرزکردەوە.

 

تا دێت چالاکییەکان بۆ پشتگیریی عەبدوڵا ئۆجالان لە چوارپارچەی کوردستان و ئەوروپا بەرفراوانتر دەبنەوە، هەر لەو چوارچێوەیەشدا دوێنێ لە بەردەم ناوەندی نەتەوە یەکگرتووەکان لە جنێفی سویسرا، پۆستەری ئۆجالان بەرزکرایەوە.

 

چالاکوانانی کورد لە بەردەم ناوەندی نەتەوە یەکگرتووەکانی جنێف گردبوونەوە و وێڕای پشتگیریکردنی ئۆجالان، نیگەرانیان دەربڕی سەبارەت بە دۆخی تەندروستی و ئاسایشی ئۆجالان لە زیندانی ئیمرالی و داوایان کرد کە ئەندامانی خێزان و پارێزەرانی ئۆجالان بە خێراترین کات ڕێگایان پێبدرێت سەردانی ئیمرالی بکەن.

 

جێگای ئاماژەیە، کە ماوەیەک پێش ئێستا چەند هەواڵێک لە بارەی دۆخی تەندروستیی ئۆجالانەوە بڵاوکرایەوە و بوونە هۆی نیگەرانیی گەلی کورد لە چوارپارچەی کوردستان و سەرتاسەری جیهان، دوابەدوای ئەوەش چالاکییەکان بە مەبەستی داواکاریی بۆ وەرگرتنی زانیاریی لە بارەی دۆخی تەندروستی و ئاسایشی ئۆجالان لە هەموو جیهان دەستیپێکرد، هاوڵاتیانی کورد دەڵێن، ئەو چالاکییانە بەردەوام دەبن تا کاتێک زانیاری لە ئیمرالییەوە بە گەل ڕادەگەیەندرێت.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin