Smiley face
Smiley face
Smiley face

ڕۆژنیوز نوێترین ڤیدیۆی کاولبوونی سەرپێڵ زەهاو بڵاودەکاتەوە

2017-11-18 14:21:58



ڕۆژنیوز - ئەفشین کوردیی

 

سەر پێل زەهاو، کە یەکەم جار لە شەڕی نێوان دوو حکومەتی داگیرکەری ئێران و عێراق دا بووە قوربانی و وێران بوو بە تەواویی، ئەم جارە بووە قوربانی بوومەلەرزە و دەیان ئەوەندەی جاری یەکەم وێران بوو و هیچی لێ نەماوەتەوە.

 

شەوی ١٢ی ئەم مانگە بومەلەرزەیەک بەهێزی ٧.٣  پلەی ڕێختەر بە ناوەندی ئەزگڵەی سەربە سەلاس و باوەجانی لە پارێزگای کرماشان ڕوویدا و هەموو ئەو ناوچانە و شارەکانی دەوروبەری وێران کرد، سەر پێڵ زەهاو یەکێکە لە زیان بەر کەوتووترین شارەکانی ئەو بوومەلەرزە ڕووخێنەرە.

 

شاری سەرپێل زەهاو بەتەواوەتی ڕووخاوە، هاوڵاتیان لە دەرەوەن و بێ سەقف و سەرپەنا لە سەرمادا ڕۆژ دەگەیەننە شەو و پاشان ڕۆژ دەکەنەوە لە سەرمای چەند ئەوەندەدا.

 

هێزە فریاگوزارییەکانی سەربە حکومەتی ئێران-یش لێقەوماوان فەرامۆش دەکەن و ڕێگریی دەکەن لە گەیشتنی هاوکاریی هێزە خۆبەخشەکان بۆ ئەو هاوڵاتییە زیان بەرکەوتووانە.

 

جێگای ئاماژەیە، شاری سەرپێڵ زەهاو لەکاتی شەڕی هەشت ساڵەی نێوان عێراق - ئێران-یش بەهەمان شێوەی ئێستا وێران بوو، ساڵانی دواتر خەڵکەکەی ئاوەدانیان کردەوە.

 

ش.ف

 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin