Smiley face
Smiley face
Smiley face

سمینارێک لەبارەی 25ی نۆڤەمبەر لە کۆیە بەڕێوەچوو

2017-11-18 17:38:26



ڕۆژنیوز- محەمەد حەسەن

 

سیمینارێک لەبارەی ڕۆژی ٢٥ی نۆڤەمبەر کە بە ڕۆژی بەرەنگاربوونەوەی توندوتیژی دژی ژنان ناسراوە، لە شارۆچکەی کۆیە بەڕێوەچوو.

 

کاتژمێر ٢ی پاشنیوەڕۆی ئەمڕۆ، لە شارۆچکەی کۆیەی سەر بە پارێزگای هەولێر، سمینارێک لەبارەی 25ی نۆڤەمبەر، بۆ ڕووناک مەجید، ئەندامی ڕێکخراوی ژنانی ئازادی کوردستان (رەژاک) بەرێوە چوو.

 

سەرەتای سمینارەکە بە خولەکێک وەستان وەک وەفایەک بۆ هەموو ئەو ژنانەی کە بە  سیستەمی عەقلیەتی پیاوسالاری گیانیان بەخت کردوە ڕاوەستان، دواتر ڕووناک مەجید دەستی بە قسە کردو و ڕایگەیاند: لە زۆربەی وڵاتانی جیهان ڕۆژی 25 نۆڤەمبەر بە رۆژی بەرەنگاربوونەوەی توندوتیژی دژی ژنان ناسراوە، هەربۆیە زۆربەی ڕێکخراوەکانی ژنان لە جیهان چالاکی جۆراوجۆر ئەنجام دەدەن، بەڵام بە داخەوە بەشێک لەم ڕێکخراوانە وەک پێویست نەیانتوانیوە ژنان وشیار یا پەروەردە بکەن.

 

 

هەروەها وتیشی: لە کۆمەلگای کوردیدا پێویستە ژنان لە هەموو بوارەکاندا خۆیان بە ڕێکخستن بکەن، ئەگەر نەتوانن خۆیان بە ڕێکخستن بکەن دووچاری خۆکوشتن و خۆسوتاندن دەبنەوە، هەروەها تا ئەمڕۆش بە داخەوە لە ناو کۆمەلگای کوردیدا جیاوازی لە نێوان کوڕ و کچدا دەکرێت، ئەمەش بوەتە هۆکار کە جیاوازی ڕەگەزی بکرێت لە ناو کۆمەڵگای ئێمەدا، بۆیە ژنان بە پلە دوو سەیر دەکرێن.
 

ڕووناک وتیشی: ژن و پیاو دووانەن لە کۆمەڵگادا، نە ژن بە  تەنیا دەتوانێت کار بکات، نە پیاویش، هەردوو بەیەکەوە دەتوانن کۆمەڵگا دروست بکەن، ئەمەش بە وشیاربوون و لە یەک تێگەیشتن دەکرێت، ژن لە بواری ئابوری، فکری، هیچی لە پیاو کەمتر نییە، بەڵکو بە پێچەوانەوە ژنان توانای بەهێزتریشیان هەیە لە هەموو بوارەکاندا.

 

 

ڕووناک باسی لەوەش کرد: لە باشوری کوردستان ڕێکخراوی ژنان زۆرن، بە داخەوە زۆربەیان بە عەقلی پیاوەوە کار دەکەن، تا ئێستا ئەو ڕێکخراوانە نەیاتوانیوە سەربەخۆ کار بکەن، ڕێکخراوەکان تەنیا شکلین و هەیکەلیان هەیە، تا ئێستا نەتواندراوە کێشەی ژنان چارەسەر بکەن.

 

هەورەها وەکو نمونەیەکیش باسی پێگەی ژنی کرد لە رۆژئاوا و ئاماژەی بەوە کرد: لە ڕۆژئاوای کوردستان سیستەمێکی ڕێکوپێک هەیە، فرە ژنی، گەوەرە بە بچوک، شیربایی، ژن بە ژن هەمووی هەڵگیرا، بەڵام لە باشوری کوردستان دوای ئەم هەموو ساڵە  نەتواندراوە لە بواری ژناندا کارێکی جدی و باش بکرێت، چونکە هەموو یاسا و تەنانەت لە ڕووی ئایینیشەوە بە قازانجی پیاو کار دەکرێت.
 

ڕووناک مەجید لە کۆتایی سمینارەکەدا ڕایگەیاند:"ڕێبەر ئاپۆ وتەیەکی بە نرخی هەیە کە دەلێت شۆڕشی باشور شۆڕشی ژنە، تا ژن ئازاد نەبێت کۆمەڵگاش ئازاد نابێت"، بۆیە دەبی ژنان تێبکۆشن.

د.خ

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin