Smiley face
Smiley face
Smiley face

مامۆستایانی ناڕازیی: بڕیاری دەوام نەکردنمان داوە

2017-11-19 10:42:47



ڕۆژنیوز - جیهاد هەورامی

 

ئەو مامۆستایانەی هەڵەبجە، کە لەدەوەی شار دەوام دەکەن، گردبوونەوەیەکیان ئەنجامدا و داواکارییەکانی خۆیان خستەڕوو، ڕاشیانگەیاند: ئەگەر داواکارییەکانیان جێبەجێ نەکرێت، ئەوا مامۆستایانی ناڕازیی بڕیاری ده‌وام نه‌کردنیان داوه‌.

 

بەیانی ئەمڕۆ، لە دەروازەی شاری هەڵبجە دەستەی مامۆستایانی ناڕازیی بەئامادەبونی ژمارەیەکی بەرچاو لە مامۆستایانی هەڵەبجەیی دەرەوەی شار و سنووری پەروەردەکانی سەیدسادق و پێنجوێن گردبوونەوەیەکی ناڕەزایەتیان ئەنجام دا و لەکۆنگرەیەکی ڕۆژنامەنوسیشدا بەیاننامەیەکیان خوێندەوە و چەند داواکاریەکان خستەڕوو.

 

کاروان حەسەن، بەیاننامەی دەستەی مامۆستایانی ناڕازیی خوێندەوە و ڕایگەیاند:"ماوه‌ی چوار ساڵە حکومه‌تی شکستخواردووی هه‌رێمی کوردستان، بریاری سته‌می نیوه‌موچه‌ و روبعه‌ موچه‌ی به‌سه‌ر مامۆستایان و فه‌رمانبه‌رانی هه‌رێمی کوردستاندا سه‌پاندووه‌، له‌ به‌رانبه‌ر ناڕه‌زایه‌تی و هاتنه‌ سه‌رشه‌قامی مامۆستایانیشدا، بێباک و خه‌مساردە‌، تاکو ئێستا هیچ بڕیاڕێکی ئه‌رێنی بۆ گێڕانه‌وه‌ی شایسته‌ داراییه‌کانمان نه‌داوه‌، به‌ده‌ر له‌مه‌ش مانگ له‌ ئه‌م حکومه‌ته‌ شکستخواردوه‌ له‌ ٣٠ ڕۆژه‌وه‌ بووه‌ به‌ ٤٥ ڕۆژ".

 

 

هەر لە بەیاننامەکەدا هاتبوو: له‌ ئێستادا که‌ مانگی ١١ یە ته‌نیا هەشت مووچه‌ به‌ فه‌رمانبه‌ران و مامۆستایان دراوه‌، بۆیه‌ ئێمه‌ وه‌ک ئه‌و مامۆستایانەی که‌ له‌ناو هه‌ڵەبجه‌وه‌ هاتووچۆ ده‌که‌ین بۆ ده‌ره‌وه‌ی شار-سه‌یدسادق- خورمال- هه‌ورامان- پێنجوێن- ئەم چەند داواکاریەی لای خواره‌وه‌ دەخەینەڕوو:

 

یه‌که‌م: به‌ زووترین کات گواستنه‌وه‌ بۆ ئه‌و مامۆستایانه‌ بکرێت، که‌ خزمه‌تی یاساییان ته‌واو کردووه‌، به‌ جۆریک به‌ هیچ جۆرێک داوای به‌دیل نه‌کرێت و له‌ ماوه‌یه‌کی کورتدا سه‌رجه‌م مامۆستایان بگوازرێنه‌وه‌.

 

دووه‌م: که‌م کردنه‌وه‌ی ده‌وامی مامۆستایان بۆ دوو ڕۆژ له‌ هه‌فته‌یه‌کدا، لەبه‌ر خراپی باری دارایی مامۆستایان.

 

سێیه‌م: سه‌رجه‌م به‌ڕێوه‌به‌ری خوێندنگاکانی- ده‌ره‌وه‌ی هه‌ڵەبجه‌، سه‌یدسادق، پێنجوێن- له‌ لایه‌ن به‌ڕێوه‌به‌ری په‌روه‌رده‌کانه‌وه‌ ئاگادار بکرێنه‌وه‌ بۆ ئه‌وه‌ی به‌شه‌ وانه‌ی ئه‌و مامۆستایانه‌ی، که‌ هاتووچۆ ده‌که‌ن، به‌پێی دوو ڕۆژ ڕێک بخرێت.

 

لە کۆتاییشدا هاتبوو: داواکارین به‌ زووترین کات داواکانمان جێبه‌جی بکرێن، به‌ پێچه‌وانه‌وه‌ مامۆستایانی ناڕازیی بڕیاری ده‌وام نه‌کردنیان داوه‌.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin