Smiley face
Smiley face
Smiley face

گەڕان بەدوای تەرمی دوو هاوڵاتییەکەی دەریاچەی دوکان بەردەوامە

2017-11-19 15:55:55



ڕۆژنیوز - محەمەد و تاهیر

 

دوای چوار ڕۆژ لەونبوونیان هێشتا تەرمی دوو هاوڵاتیەکەی ڕاپەرین لە دەریاچەی دوکان نەدۆزراونەتەوە و گەڕان بەدوایاندا بەردەوامە.

 

تا ئێستا تەرمی ئەو دوو هاوڵاتییە نەدۆزراونەتەوە، کە خەڵکی شارۆچکەی ڕانیەی ئیدارەی ڕاپەڕین-ن و لە ڕۆژی ١٦ی ئەم مانگە لە دەریاچەی دوکان خنکابوون، کاتێک بەمەبەستی ڕاوە ماسی ڕوویان لە دەریاچەکە کردبوو.

 

لەوبارەیەشەوە، ملازم عەلی قادر، وتەبێژی بەڕێوبەرایەتی بەرگریی شارستانی ڕاپەرین بەڕۆژنیوزی ڕاگەیاند: شایەتحاڵێک کە لەگەڵ ئەو دوو کەسە بووە، لەدوای چەند کاتژمێرێک ئاگاداریکردینەوە، کە دوو کەس لەناو دەریاچەی دوکان نوقم بوون و خنکاون.

 

عەلی قادر

 

ملازم عەلی، ڕاشیگەیاند: پاش نیوەڕۆی هەمان ڕۆژ تیمەکانمان ڕەوانەی شوێنی ڕووداوەکە کرد، لەو ڕۆژەوە هەتا ئیستا گەڕان بەدوای تەرمەکان بەردەوامە.

 

ڕاشیگەیاند: تیمە فریاگوزارییەکانی تەق تەق و دوکان و ڕاپەرین بەردەوامن لەگەڕان.

 

ئەوەشی خستەڕوو: یەکێک لەونبووەکان ناوی کامەران عەباس-ە و تەمەنی ٢٣ ساڵە ئەویتریان ناوی خدر عوسمان-ە و تەمەنی ٢٨ ساڵە و خێزاندارە.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin