Smiley face
Smiley face
Smiley face

ئاوارەکانی دێرەزۆر لە دۆخێکی خرابدا دەژین

2017-11-20 11:27:06



رۆژنیوز - ناوەندی هەواڵەکان

 

ژمارەی ئەو هاوڵاتیانەی بەهۆی دڕەندیی چەتەکانی داعش، و ڕژێمی بەعسی سوری لە دێرەزۆر ئاوارەدەبن، ڕۆژ لەدوای ڕۆژ زیاتردەکات و لە دۆخێکی زۆر نالەباردا دەژین.

 

ژمارەی ئەو ئاوارانە ١٥ هەزار کەسی تێپەڕکردووە، تەنیا لە دوو ڕۆژی ڕابردوودا چوارسەد خێزانی دێرەزۆری لە ناوچەی ژێر دەسەڵاتی چەتەکان و ڕژێم ڕایانکردووەو بەرەو ناوچەکانی ژێر کۆنتڕۆڵی شەرڤانانی هێزەکانی سوریای دیموکرات چوون.

 

سەەڕای ئەوەی ئەنجومەنی مەدەنی دێرەزۆر هەموو دەرفەتەکانی بەکارهێناوە بۆ جێگرکردن و دابینکردنی پێداویستییە سەرەکییەکانی ئەو ئاوارانە، بەڵام ژمارەی ئاوارەکان زۆرە و ئەو ئەنجومەنە ناتوانێت بە هەموویان ڕابگات.

 

ئاوارە دێرەزۆرییەکان لەم وەرزەدا کە بەرەو سەرما دەچێت هیچ پێداویستییەکی گەرمکەرەوەیان پێ ناگات و کێشەی خۆراکیشیان هەیە.

 

سەرەڕای ئەوەی ئاوارەکان لە دۆخی زۆر خرابدا دەژین، کۆمەڵگای نێودەولەتی بەرامبەر بە دۆخیان هەست بەرپرسیارێتی ناکات و پشتگوێی خستوون.

 

ئەو ئاوارانە بێدەنگی ڕێکخراوە نێودەوڵەتییەکان بەرامبەر بە دۆخە خرابەکەیان شەرمەزار دەکەن و دەڵێن، کە بەم سەرمایە پێویستی بەپەلەیان بە چادرو گەرمکەرەوە هەیە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin