Smiley face
Smiley face
Smiley face

پێشانگایەکی شێوەکاری بۆ ٣٨ شێوەکار کرایەوە

2017-11-23 18:57:45



ڕۆژنیوز – ڕۆزە محەمەد

 

منداڵپارێزی کوردستان لە بەرنامەی گەشەپێدانی توانای گەنجان پێشانگایەکی شێوەکاری بۆ کۆمەڵێک گەنجی سەنتەری چالاکی گەنجانی سلێمانی کردەوە.

 

لە ئەمنە سوورەکەی شاری سلێمانی، پێشانگایەکی شێوەکاری بۆ ٣٨ شێوەکار کرایەوە، کە دوێنی دەستیپێکرد و تا ئێوارەی ئەمڕۆ بەردەوامیی هەبوو.

 

ئاریان لەتیف، شێوەکار، بە ڕۆژنیوزی ڕاگەیاند: لە پێشانگاکەدا ١٠٠ وێنەی ٣٨ شێوەکار نمایش کراوە.

 

 

ئاریان وتیشی: وێنەکان جۆراو جۆرە، هەر وێنەیەک باس لە بابەتێک دەکات و هەر شێوەکارێک ماددەی جیاوازی بەکارهێناوە، وەک بۆیەی ئاوی یاخود زەیتی.

 

ئەو شێوەکارە، ئاماژەی بەوەشدا: من بە دوو تابلۆ بەشداریم کردووەو تابلۆکانم دوو مەترن، کە گەورەترین تابلۆی پێشناگاکەیە و باس لە سروشت دەکەن، لەبەرئەوەی سروشت لای من زۆر جوانە و زۆر گرنگە، سروشت بووەتە قوربانی و مرۆڤ و هەموو جارێک وێرانی کردووە و خزمەتی نەکردووە، بۆیە سروشتم هەڵبژاردووە.

 

ئاریان دڵخۆشە بە پشتگیری خێزانەکەی و مامۆستا و هاوڕێکانی و سەرپەرشتیاری پێشانگاکە و دەڵێت "ئەوان منیان گەیاندە ئەو ئاستەی کە تێیدام".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin