Smiley face
Smiley face
Smiley face

مەریوان، بەهەشتی باڵندەکان

2017-11-27 13:15:24



رۆژنیوز - مەریوان

 

بە هاتنی وەرزی سەرما، سەدان هەزار باڵندە لە جۆرە جیاوازەکان بەرەو دەریاچەی زرێباری مەریوانی سەربە پارێزگای سنەی ڕۆژهەڵاتی کوردستان کۆچ دەکەن تا بەهار لەوێ دەمێننەوە.

 

باڵندەکان بەهۆی ئەوەی لە وەرزی سەرمادا بە سەختی دەتوانن خواردن بە دەست بێنن، ڕوودەکەنە دەریاچەی زرێبار، کە لە بواری خواردن بۆ ئەو باڵندانە دەوڵەمەندە.

 

شاری مەیوان وەک یەکێک لە شارە گەشتیارییەکانی ڕۆژهەڵاتی کوردستان و ئێران دەناسرێت، ئەویش بەهۆی کلتوری خەڵکەکەیەتی بۆ پاراستنی ژینگە، دەریاچەی زرێبار و دارستانەکانی دەوروبەری مەریوان ساڵانە هەزاران گەشتیار ڕادەکێشنە ئەو شارە.

 

شارەکە ژینگەیەکی ئارام و پارێزراوی بۆ باڵندەکان و هەموو ئاژەڵەکان لە دەوروبەری مەریواندا هەیە، ئەوەش وایکردووە باڵندەکان لە هەموو جۆرەکانیان لە وەرزی سەرمادا ڕووبکەنە شارەکە و مەریوان بکەنە بەهەشتێک بۆ باڵندەکان.

 

یەکێک لەو جۆرە باڵندانەی کۆچیان کردووەتە دەریاچەی مەریوان، بەناوی چەنگەر دەناسرێن و بەپێی ئاماری فەرمانگەی پاراستنی ژینگەی مەریوان، ئێستا دەیان هەزار لەو باڵندەیە لە دەریاچەی مەریوان و دەورووبەریدا دەژین.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin