Smiley face
Smiley face
Smiley face

ناڕەزایەتییەکان لە بەرامبەر بەشودانی منداڵ بەردەوامیی هەیە

2017-12-06 10:51:08



ڕۆژنیوز- سەمیرا شەهابی

 

ئەندامی ڕێکخراوێک دەڵێت، کە هاوسەرگیریی لە خوار تەمەنی ١٨ ساڵ دژی یاساکانی مافی مرۆڤە و چالاکوانێکیش دەڵێت: زوو بەشوودان دەبێتەهۆی سەر لێشێواویی کۆمەڵگا و پێگەی خێزانی لەق دەکات.

 

ناڕەزاییەکان لەبەرمبەر پرۆژەی هەموارکردنەوەی یاسای باری کەسێتی عێراق بەردەوامیی هەیە، کە دیارترین خاڵیادن کەمکردنەوەی تەمەنی بەشودانە لە ١٨ ساڵییەوە بۆ نۆ ساڵیی.

 

ئاشنا ڕەئوف، ئەندامی ڕێکخراوی cdo، بە ڕۆژنیوزی وت:"هاوسەرگیریی لە خوار ١٨ ساڵ دژی یاساکانی مافی مرۆڤە، کە ڕەنگە لە پێناو خزمەتکردنی بابەتگەلێکی ئایینی و دابونەریتیدا بێت".

 

ئاشنا ڕەئوف

 

سەبارەت بە ئەرکی ڕێکخراوەکان لە ئاگادارکردنەوەیان لەو بابەتە، ناوبراو، وتی:"ڕێکخراوەکان بەرنامەی تایبەت بە خۆیان هەیە بۆ هۆشیارکردنەوەی تاکەکان لەسەر بابەتە کۆمەڵایەتییەکان، تاوەکو بتوانێت تاڕادەیەک ڕێگریی بکرێت لە تەشەنەکردنی ئەو کێشانە لەناو کۆمەڵگادا".

 

هەر لەسەر ئەم بابەتە بەیان عەبدوڵا، ڕۆژنامەنووس و چالاکوان وتی:"یاسای زوو بەشوودان دەبێتە هۆی سەر لێشێواویی کۆمەڵگا و پێگەی خێزانی لەق دەکات، بۆیە وەک چالاکونان و ڕێکخراوەکانی کۆمەڵگای مەدەنی بە لێدوانێک داوامان لە un کردووە، کە کاربکات بۆ لەکارخستنی ئەم پرۆژە یاسایە".

 

بەیان عەبدوڵا

 

بەیان، تیشکی خستە سەر هۆکارەکانی زیادبوونی کێشە کۆمەڵایەتییەکان لە هەرێمی کوردستان و وتی:"بڵاوکردنەوەی دراما بییانییەکان، وەک خاڵێکی کاریگەر دەوردەبینێ لەناو خێزاندا جگە لە پەروەردە خێزانییەکان، هەربۆیە پەروەردەی هەڵە دەبێتەهۆی لە خشتەبردنی کۆمەڵگا و تەشەنەکردنی گیروگرفتەکانیان".

 

جێگای ئاماژەیە، له‌ ڕۆژی ٣٠/١٠/٢٠١٧ ئه‌نجومه‌نى نوێنه‌رانى عێراق به‌ هه‌وڵى چه‌ند هێزێکى ئیسلامى شیعیی بڕیارى هه‌موارکردنه‌وه‌ى یاساکانى بارى که‌سێتى دا و  خوێندنەوەی یەکەم بۆ پرۆژە یاسا هەموارکراوەکە کرا، هەندیک لە بڕگەکانی بەشێکی زۆری پەرلەمانتارانی توڕە کرد و کۆبونەوەکەیان جێھێشت.

 

بەپێی هەموارەکە، تەمەنی بەشودانی کچان لە ١٨ ساڵییەوە کەمکراوەتەوە بۆ ٩ ساڵ و ژنان لە میراتی هاوسەرەکانیان بێبەشکراون.

 

بە وتەی ڕێزان شێخ دلێر، پەرلەمانتاری یەکێتی نیشتیمانی کوردستان، کە لە سمینارێکدا لە شاری سلێمانی ڕۆژی ٤/ئەم مانگەدا باسیکرد"شیعەکان سوورن لەسەر هەموارکردنەوەی ئەو یاسایە، ئەوانیش وەک کورد وسوننە هەوڵەکایان کۆکردووەتەوە بۆئەوەی لەناو ئەنجومەنی نوێنەران-دا پرۆژەکە ڕەت بکەنەوە، بۆ ئەو مەبەستەش لە سەرەتای ساڵی داهاتوودا ڕەتکردنەوەکە دەخەنە دەنگدانەوە".

 

ڕێزان شێخ دلێر

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin