Smiley face
Smiley face
Smiley face

هۆشداریی لە بڵاوبونەوەى جۆرەها نەخۆشیی مەترسیدار دەدەرێت

2017-12-06 14:55:36



ڕۆژنیوز ـ هاوڕێ کرێکار

 

خۆڵ و خاشاکی کەلار و ڕزگاریی لە نزیک شارەدێی ڕزگاریی فرێ دەدرێت و سەرۆکی ڕێکخراوێکی ژینگەییش هۆشداریی دەدات لە بڵاوبوونەوەی جۆرەها نەخۆشیی مەترسیدار بەوهۆیەوە.

 

ماوەى چەند ساڵێکە، خوڵ و خاشاک و پاشماوەى دوکان و بازاڕ و ماڵانى شارۆچکەى کەلار و شارەدێی ڕزگاریی، لە باشوری شارەدێی ڕزگاریی سەر بە ئیدارەی گەرمیان بە دووریى تەنیا یەک کیلۆمەتر فڕێدەدرێت.

 

سیروان حەسەن، سەرۆکى گروپی ژیانەوە بۆ ژینگە، ئاماژەی بە مەترسیی ئەو خۆڵ و خاشاکە کرد لەسەر هاوڵاتیانی ڕزگاریی و بە ڕۆژنیوزی وت: ئەگەر بێتو لایەنە پەیوەندیدارکان چارەسەرێک نەدۆزنەوە، ئەوە دوور نیە دەیان نەخۆشی جۆراوجۆر و پڕ مەترسیی بڵاو ببێتەوە.

 

سیروان حەسەن

 

سیروان حەسەن، وتیشی: چەند جارێک هەردوو شارەوانى کەلار و ڕزگاریی و فەرمانگەى ژینگەی گەرمیان و ئیدارەى گەرمیان لەو مەترسییە ئاگادارکراونەتەوە، بەڵام تائێستا  شوێنى فڕێدانى خوڵ و خاشاک وەک خۆی ماوەتەوە و فەرمانگەکانیش هەر خەریکى تاوانبارکردنى یەکن و کەسیان بە ئەرکی خۆیان هەڵنەستاون.

 

سەرۆکى گروپی ژیان، ڕاشیگەیاند: باشترین چارەسەر بۆ نەمان یان لەناوبردنى  ئەو خۆڵ و خاشاکە ئەوەیە، کە بخرێتە ژێر گڵەوە بۆ ئەوەى هیچ شوێنەوارێکی نەمێنى و نەبێتە هۆی خراپی ژینگە و بڵاوبونەوەى جۆرها نەخۆشیی.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin