Smiley face
Smiley face
Smiley face

بێ بەڵێنییەکانی حکومەت هاوڵاتیانی دەربەندیخانی بردە سەر شەقام

2017-12-07 13:16:11



ڕۆژنیوز - هاوکار مستەفا

 

بەمەبەستی دەربڕینی نیگەرانیی لەبەرامبەر جێبەجێنەکردنی ئەو بەڵێنانەی، کە بەهاوڵاتیانی زیان لێکەوتووی بومەلەرزەکەی دەربەندیخان درابوو ژمارەیەک لە هاوڵاتیان گردبوونەوە.

 

پێش نیوەڕۆی ئەمڕۆ، لەبەردەم یەکێک لە خانووە ڕوخاوەکانی شارۆچکەی دەربەندیخانی سەر بە پارێزگای سلێمانی هاوڵاتیانی زیان لێکەوتووی بومەلەرزەکەی مانگی ڕابردوو گردبونەوە و ناڕەزایەتییان نیشاندا لەبەرامبەر بێ باکی حکومەت و جێبەجێ نەکردنی ئەو بەڵێنانەی بەو هاوڵاتیانەی دابوو.

 

لە گردبوونەوەکەدا سەلام محەمەد، نوێنەری هاوڵاتیانی زیان لێکەتووی دەربەندیخانەوە بەیاننامەیەکی خوێندەوە و کە تێیدا هاتبوو: بەڵێنمان پێ درابوو لەلایەن حکومەتی هەرێمی کوردستانەوە بۆ قەرەبوو کردنەوە، بەڵام ئەو بەڵێنان جێبەجێ نەکراوە و ئەمە جێگەی قبوڵ نییە.

 

سەلام محەمەد

 

ئاماژەی بەوەشدرابوو، کە بارودۆخ و گوزەرانی هاوڵاتیانی زیان لێکەوتوو لە دۆخێکی باشدا نیە، بۆیە ئەگەر بەزووترین کات نەیەن بەدەم هاوڵاتیانەوە و قەرەبوومان نەکرێتەوە لە ڕۆژانی داهاتوودا هەڵوێستی جدییمان دەبێت و هەر ڕووداوێکی نەخوازراویش ڕووبدات دەسەڵات لێی بەرپرس دەبێت.

 

هەر لەو گردبوونەوەیەدا حەکیم عەبدوڵا، ئەندامی بۆردی داکۆکیکردن لە هاوڵاتیانی زیان لێکەوتووی دەربەندیخان ئاماژەی بەو زیانانە کرد، کە بەهۆی بومەلەرزەکەوە بەر خانووی هاوڵاتیانی سنوورەکە کەوتووە و وتی: زیاد لە دوو هەزار خانوو زیانیان بەرکەوتووە لەو ژمارەیەش زیاد لە ٤٠٠ خانوو ژیانکردن تیایاندا جێگەی مەترسییە.

 

حەکیم عەوڵا

 

حەکیم عەبدوڵا، وتیشی: سەرجەم لایەنە پەیوندیدارەکانمان لە زەرەر و زیانەکان ئاگادارکردوەتەوە، بەڵام تا ئێستا حکومەتی هەرێم یەک دیناری بۆ هاوڵاتیان خەرج نەکردووە، بۆیە بەهەموو شێوەیەک پشتگیریی لە داواکارییەکانی هاوڵاتیان دەکەین و هەموو ڕێگاکان کراوەن لەبەردەستماندا.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin