Smiley face
Smiley face
Smiley face

یەکەمین ناوەندی ئابووری کۆمەڵایەتی لە حەلەب کرایەوە

2017-12-09 20:52:01



ڕۆژنیوز - ناوەندی هەواڵەکان

 

یەکەمین  ناوەندی ئابووری کۆمەڵایەتی، بە مەراسیمێک لە شاری حەلەب کرایەوە.

 

ئەمڕۆ، بەمەبەستی پێشخستنی ئابووری هەرەوەزی لە ناوچەکە، تەڤگەری جڤاکی دیموکراتیک تەڤدەم، ناوەندی ئابووری کۆمەڵایەتی لە بەشی ڕۆهەڵاتی گەڕەکی شێخ مەقسود-ی شاری حەلەب بە مەراسیمێک کردەوە.

 

لە مەراسیمەکەدا، هەریەکە لە محەمەد شێخۆ، هاوسەرۆکی ئەنجومەنی بەڕێوەبەری تەڤدەم لە حەلەب، ئایتان ڕەشۆ، هاوسەرۆکی ئەنجومەنی بنەماڵەی شەهیدانی حەلەب، ئیسماعیل محەمەد، بەڕێوەبەری ناوەندی ئابووری کۆمەڵایەتی وتاریان پێشکەشکرد.

 

لە وتارەکاندا، کردنەوەی ناوەندی ئابووری کۆمەڵایەتی لە چین و توێژەکانی شاری حەلەب پێرۆزکرا، هاوکات ئاماژەیان بەوەشکرد، کە ئەو ناوەندە لەسایەی بەرخۆدانی شەڕڤانانی یەپەگە و یەپەژە و دانیشتووانی ناوچەکە، لە دژی هێرشەکان کراوەتەوە.

 

هەر لە وتارەکاندا، ئەوەش خرایەڕوو، کە ئەمە یەکەمجارە ناوەندێکی بەوشێوەیە لە شاری حەلەب دەکرێتەوە، هەروەها ئابووری هەرەوەزی-شیان بە بنەڕەتی سەرەکیی پێشکەوتنی کۆمەڵگا لەقەڵەم دا.

 

دوای کۆتایی هاتی وتارەکان، ناوەندەکە لەلایەن کەسوکاری شەهیدانەوە کرایەوە، هاوکات دانیشتووانی ناوچەکە بە ئاهەنگ گێڕان، خۆشحاڵی خۆیان بە کردنەوەی ناوەندەکە دەربڕی.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin