Smiley face
Smiley face
Smiley face

ئێڤار ئیبراهیم: بەجدی کار لەسەر کەیسی دەستدرێژی سەر ژنانی خورماتوو دەکەین

2017-12-12 13:21:01



رۆژنیوز - قەرەچوغ ئەنوەر

 

لیژنەی داکۆکیکردن لەمافی ئافرەتان لەپەرلەمانی ھەرێمی کوردستان، داوا لەپەرلەمانتارە کوردەکانی ئەنجومەنی نوێنەرانی عێراق دەکات کە بە زووترین کات سەردانی خورماتوو بکەن.

 

٩ و ١٠ی ئەم مانگە، لێژنەی داکۆکیکردن لە مافی ئافرەتانی پەرلەمانی هەرێمی کوردستان، بە مەبەستی لە نزیکەوە ئاگاداربوون لە دۆخی ژنانی شارۆچکەی خورماتوو و دڵنیابوونەوە لەو هەواڵانەی کە باس لە دەستدرێژییکردنە سەر یان دەکرێت، سەردانی کامپی ئاوارەکانی خورماتوو-یان کرد لە دەڤەری گەرمیان.

 

ئێڤار ئیبراھیم، سەرۆکی لیژنەی داکۆکیکردن لەمافی ئافرەتان لە پەرلەمانی هەرێمی کوردستان، ئامانج و مەبەستی سەردانیکردنی لیژنەکەیان بۆ خورماتوو روون کردەوە و بۆ ڕۆژنیوز وتی: لەدوای ڕووداوەکانی ١٦ی ئۆکتۆبەرەوە دەستدرێژی کراوەتەسەر ژنان لە خورماتوو، بۆیە ئێمەش سەردانی ناوچەکەمان کرد تا لەنزیکەوە ئاگاداری ڕووداوەکان بین.

 

هەروەها  وتیشی: بۆ ئەم مەبەستە بەجدی کار لەسەر ئەم کەیسە دەکەین و دەستمان کردووە بە بەدواداچوون بۆ ئەوەی تۆمەتباران دەستنیشان بکرێن، هەروەها سەردانی کەمپەکانی زنانە و تازەدێ- مان کرد و بارودۆخی کەمپەکان خراپە بەتایبەت بەھۆی ھاتنی وەرزی زستان.

 

ئێڤار وتیشی: دەمەوێ لە ڕێگەی ڕۆژنیوزەوە ڕەخنەی جدی لەپەرلەمانتارانی کورد لە ئەنجومەنی نوێنەرانی عیراق بگرم، چونکە وەک پێویست بەدەم خەڵکی خورماتوو و ئاوارەکانییەوە نەچوونە.

 

ئێڤار ئیبراھیم داواشی لە پەرلەمانتارانی بەغدا کرد کە بە زووترین کات سەردانی ناوچەکە بکەن و ئەم خەڵکە لەم نەھامەتییە ڕزگاریان بکەن، چونکە بەئێمەیان وت ھیچمان ناوێ تەنیا دەمانەوێ بگەڕێینەوە ناوچەکانی خۆیان.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin