Smiley face
Smiley face
Smiley face

لە یەک مانگدا زیاتر لە ٨٠٠ جار بومەلەرزە لە باشوری کوردستانی داوە

2017-12-12 13:53:52



ڕۆژنیوز - قەرەچوغ ئەنوەر

 

لەماوەی یەک مانگی رابردوو زیاتر لە ٨٠٠ جار بومەلەرزە لە ھەرێمی کوردستانی داوە و بەرێوبەری بەڕێوەبەرایەتی گشتی کەشناسیی و بومەلەرزەزانی ھەرێم –یش دڵنیایی دەداتە ھاوڵاتیان کە تا دوای چەندین ساڵێکی تر بومەلەرزەی بەھێز لەھەرێمی کوردستان نادات.

 

ئەمڕۆ هاوکات لەگەڵ تێپەڕبوونی یەک مانگ بەسەر ئەو بومەلەرزە بەهێزەی لە ڕۆژهەڵات و باشوری کوردستانی دا بومەلەرزەیەک بە گوڕی ٢. ٦ لە پارێزگای کرمانی دا و شەوی ڕابردوو دوو بومەلەرزە بە گوڕی ٦ پلە و ٩. ٤ پلەی ڕێختەر لە هەرێمی کوردستانی دا.

 

فازڵ ئیبراھیم، بەڕێوەبەرایەتی گشتی کەشناسیی و بومەلەرزەزانی ھەرێم بە ڕۆژنیوزی ڕاگەیاند: لەم مانگەدا زیاتر لە ٨٠٠ جار بومەلەرزە لە هەرێمی کوردستانی داوە، بەڵام رێختەرەکانی کەم بوون و تەنیا ئامێرەکانی ئێمە ھەستیان پێکردووە، کە لەڕووی زانستییەوە ئەمە ئاساییە، چەند بومەلەرزەیەک-یش ھاوڵاتیان ھەستیان پێکردووە.

 

فازڵ ئیبراهیم، وتیشی: لە ڕووی زانستییەوە بومەلەرزە لە ھەر شوێنێک بدات ئەوە زەوی تووشی ڕۆچوون دەبێت، دواتر زەوی توند دەبێتەوە و بومەلەرزە دووبارە نابێتەوە تاچەند ساڵێک.

 

ناوبراو، لە ڕێگای ڕۆژنیوزەوە داوای لە ھاوڵاتیان کرد، کە بەھۆی قسەی تۆڕە کۆمەڵایەتیەکانەوە خۆیان توشی دڵەڕاوکێ نەکەن، چونکە بومەلەرزەی بەھێزە تەنیا ئەوەی ١٢ی مانگی رابردوو بووە لەگەڵ ئەوەی دوێنێ.

 

سەبارەت بەپێشبینیەکانی شەپۆلی بەفر و باران بارین، فازڵ ئیبراهیم،  وتی: لەدوای حەوت ڕۆژی تر شەپۆلێکی باران بارین تەواوی ھەرێمی کوردستان دەگرێتەوە و لەھەندێ ناوچەی شاخاویی ئەگەری بەفر بارین ھەیە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin