Smiley face
Smiley face
Smiley face

٢٥٠ ئەندامی ئۆپەراسیۆنی قەڵغانی فورات-ی تورکیا بوون بە شەڕڤان

2017-12-12 15:15:03



ڕۆژنیوز - ناوەندی هەواڵەکان

 

٢٥٠ کەس لە ئەندامانی ئۆپەراسیۆنی قەڵغانی فورات کە ساڵی پار لەلایەن سوپای تورکەوە لە باکوری سوریا ئەنجامدرا، پاش دابڕان لەو هێزانە بەشداری ڕیزەکانی هێزەکانی سوریای دیموکرات بوون.

 

ئەو ئەندامانەی لە ئۆپەراسیۆنی قەڵغانی فورات دابڕوان، بەرە بەرە خۆیان لە ژێر فەرماندەیی ئەنجومەنی سەربازی منبیجدا ڕێکخستووە و پاشان بەشداری ڕیزەکانی هێزەکانی سوریای دیموکرات بوون.

 

ئەو ئەندامە پێشووانەی قەڵغانی فورات، دەڵێن: بە هۆی ئەوەی بانگەشەکانی چەکدارەکانی قەڵغانی فورات و سوپای تورک دوور بوون لە ڕاستی دابڕاوین لێیان، مەبەستی سەرەکی سوپای تورک و چەکدارەکانی قەڵغانی فورات ئەوە بوو، کە ناوچەکە داگیربکەن و دۆخەکە بگەڕێننەوە بۆ سەردەمی ئیمپراتوری عوسمانییەکان.

 

ئەو هێزانە هەروەها دەڵێن: ئەو چەکدارانەی لە ژێر فەرماندەیی سوپای تورکدا شەڕ دەکەن، ماڵی هاوڵاتیان تاڵان دەکەن، قەڵغانی فورات تەنیا بە مەبەستی کۆکردنەوەی پارە پێکهاتبوو، بۆیەشە ڕۆژ لەدوای ڕۆژ ناکۆکی زیاتر لە ناویدا ڕوویدا و هەڵوەشایەوە.

 

هەروەها بانگەوازیی ئەو کەسانەیان کرد، وا پێشتر لە قەڵغانی فوراتدا شەڕیان کردووە، کە بەتەواوی لێیان داببڕێن و بچنە ناو ڕیزەکانی هێزەکانی سوریای دیموکراتەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin