Smiley face
Smiley face
Smiley face

لە ئێران دوو هەزار بێوەژن تەمەنیان لەنێوان ٩ بۆ ١٢ ساڵیدایە

2017-12-14 08:32:20



ڕۆژنیوز- ناوەندی هەواڵەکان

 

ژنە پەرلەمانتارێکی ئێران ئاشکرایدەکات، لە وڵاتەکەیان-دا دوو هەزار بێوەژن هەن، کە تەمەنیان لەنێوان ٩ بۆ ١٢ ساڵیدایە، ڕاشیدەگەیەنێت: بۆ چارەسەرکردنی گرفتی بەشودانی کچی منداڵ، پێویستمان بە هاوکاریی ژنانی دیکەیە.

 

پەروانە سەلەحشوری، بەرپرسی بزوتنەوەی ژنان لە پەرلەمانی ئێران ڕۆژی ١١ی ئەم مانگە، لە سیمینارێک-دا لەژێر ناوی ژن-  مافی مرۆڤ، کە لە شاری شیراز-ی وڵاتی ئێران سمینارێکی بەڕێوەبرد.

 

لە سمینارەکەدا، پەروانە، وتی: دوو هەزار بێوەژن لە ئێران-دا هەن، کە تەمەنیان لە نێوان ٩ بۆ ١٢ ساڵییدایە.

 

ناوبراو، وتیشی:"ئێمە بۆ چارەسەری ئەم کێشەیە و زیادکردنی تەمەنی بەشوودانی کچان، پێویستمان بە پاڵپشتیی ژنانی دیکە هەیە".

 

بەرپرسی بزوتنەوەی ژنان، وتیشی:"دادپەروەری کۆمەڵایەتی و مافی مرۆڤ لەیەک ئاستدایە و کاتێک دەربارەی دادپەروەریی کۆمەڵایەتی قسە دەکەین، دەبێت دادپەروەریی ڕەگەزایەتییش باسی لێوە بکرێت، ئەگەر هەوڵ بدەین بۆبەدەست هێنانی مافی ژنان، ئەوە زیادەڕۆیی پێناوترێت".

 

ناوبراو وتیشی:"نابێت ژنان بەتاوانی ژنبوون لە مافەکانیان بێبەش بکرێن".

 

لەو سمینارەدا، بەشێک لە هونەرمەندان و ئەکتەرانی ئێران بەشداربوون و تیشکیان خستە سەر ئەوەی، کە سیاسەتمەداران بابەتی ئەو ژنانەیان  پشتگوێ خستووە، کە وەک کاڵا مامەڵەیان پێدەکرێت، سەرەکیترین کاریش بۆچارەسەری ئەم گرفتانە ئەوەیە، کە ژن خۆی هەوڵ بدات و بە ژنان بوترێت( تۆ دەتوانیت).

 

جێگای ئاماژەیە، لەئێران بەپێی یاسا تەمەنی هاوسەرگیریی ١٣ ساڵ بۆ کچان و ١٥ ساڵ بۆ کوڕان دیارییکراوە، بەڵام خێزانەکان دوای بەدەستهێنانی ڕەزامەندیی دادگا دەتوانن لە خوار ئەو تەمەنەشەوە منداڵەکانیان بخەنە ناو ژیانی هاوسەرگیرییەوە.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin