Smiley face
Smiley face
Smiley face

٢٣٠٠ خانەوادە لە شێخ مەقسود گەڕانەوە بۆ ماڵەکانیان

2017-12-14 11:37:03



ڕۆژنیوز - ناوەندی هەواڵەکان

 

شارەوانیی گەڕەکی شێخ مەقسودی شاری حەلەب ڕایگەیاندووە، کە لە ساڵی ٢٠١٧دا ٢٣٠٠ خانەوادە گەڕاونەتەوە سەر ماڵەکانیان لە گەڕەکی شێخ مەقسود.

 

پاش سەقامگیربوونی ئارامی و ئاسایش لە گەڕەکی شێخ مەقسود-ی کورد نشین لە حەلەب، ڕۆژانە دەیان خانەوادە دەگەڕێنەوە سەر ماڵەکانیان، کە پێشتر بەهۆی چەتەکان و هێزەکانی ڕژێمی ئەسەد ئاوارەببوون.

 

بەگوێرەی دوایین سەرژمێریی شارەوانیی لە گەڕەکی شێخ مەقسود، ئێستا لەو گەڕەکەدا ٨٤٠٠خانەوادە دەژین، کە٢٣٠٠ خانەوادەیان لە ساڵی ٢٠١٧دا گەڕاونەتەوە بۆ ئەو گەڕەکە.

 

ئەو خانەوادانەی دەگەڕێنەوە لەلایەن شارەوانییەوە نوسراوێک وەردەگرن، پاشان ئاسایشی گەڕەک لە بارەی ئەو خانەوادەیەوە لێکۆڵینەوە دەکات و پشتگیری مانەوەیان دەکات.

 

ئەو هاوڵاتیانەی گەڕاونەتەوە گەڕەکەکەیان بانگەوازیی هاوڵاتیانی ئاوارەی شێخ مەقسود دەکەن، کە بەمەبەستی ئاوەدانکردنەوەی گەڕەکەکەیان بگەڕێنەوە ماڵەکانیان.

 

هەروەها دەستخۆشی لە هێزەکانی یەپەگە و یەپەژە دەکەن کە ئاسایشیان لە گەڕەکەکەدا سەقامگیرکردووەو سوپاسی هێزەکانی ئاسایشیش دەکەن بۆ پاراستنی ئاسایشی گەڕەکەکە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin