Smiley face
Smiley face
Smiley face

"شێرپەنجە سەرەکیترین هۆکارە بۆ مردن"

2017-12-17 16:00:12



ڕۆژنیوز – بۆتان گەرمیانی

 

زانکۆی گەرمیان دەربارەی نەخۆشی شێرپەنجە و هەندێک لە هۆکارەکانی لە گەڵ هەندێک ئاماری توشبوان و قوربانییانی ئەو نەخۆشییە لە جیهاندا ۆرکشۆپێکیان سازدا

 

ئەمڕۆ لە هۆڵی سیمینار لە زانکۆی گەرمیان لە شارۆچکەی کەلار-ی ناوەندی ئیدارەی گەرمیان، سەرۆکایەتی زانکۆکە هەستان بە سازدای وۆرکشۆپێک بۆ دکتۆر نەوشیروان غەفور پزیشکی پسپۆڕی شێرپەنجە لەگەل دکتۆر دارا محەمەد پسپۆڕ لە بواری کوالێتی خۆراک، تێیدا هۆکارو شێوازەکانی نەخۆشی شێرپەنجەیان خستەڕوو، لەگەڵ دەرخستنی چەند ئامارێک لەسەر توشبوان و قوربانیانی ئەو نەخۆشییە لە جیهاندا. 

 

لە وۆرکشۆپەکەدا دکتۆر نەوشیروان غەفور، باسی لە شێرپەنجەکرد و وتی:"شێرپەنجە بریتییە لە زۆربونی ناڕێکی خانەکانی لەش، لە دەرەوەی کۆنترۆڵی ئاسایی سیستمی جەستە، واتە خانەکانی لەشی مرۆڤ زیاد دەکات بە ناڕێکی، بۆ نمونە ژمارەی خڕۆکە سپییەکان زۆر زیاتردەبن لە خرۆکە سوورەکان، لە ئەنجامی کۆبوونەوە وتۆپەڵبوونی خانە شێرپەنجەییەکان گرێ دروستدەبیت، دوو جۆر گرێشمان هەیە، گرێی ناشێرپەنجەیی کە دروستدەبێت بەڵام بڵاونابێتەوە بۆ خانە دوورەکانی لەش، بەڵام گرێی شێرپەنجەیی لە ڕێگەی بۆرییەکانی خوێنەوە بڵاو دەبێتەوە بەلەشدا". 

 

 

هەروەها ئامارو ژمارەی توشبووان و قوربانییانی شێرپەنجەی بەم شێوەیە خستەڕوو:"شێرپەنجە یەکێکە لە سەرەکیترین هۆکارەکانی مردن، تەنها لە ساڵی ٢٠١٢نزیکی ١٤ملیۆن کەس لە جیهاندا توشی شێرپەنجە هاتوون، وە شێرپەنجە هۆکاری مردنی نزیکەی ٩ ملیۆن کەس بووە لە سالی ٢٠١٥،  چاوەڕوان دەکرێت توشبوانی شێرپەنجە لە دوو دەیی داهاتودا بە ڕێژەی سەدا ٧٠ زیادبکات، نزیکەی سەدا ٧٠ ی مردن لە وڵاتە دواکەوتووەکان بەهۆی شێرپەنجەوەیە".

 

هەروەها دکتۆر دارا محەمەد، باسی لەو خۆراکانەکرد کە دەبنە هۆکاری توشبوون بە شێرپەنجەو مردن و، وتی:"جگەرەکێشان پلەی یەکەم وەردەگرێت و زیادبوونی کێش پلەی دووەم و خواردنەوەی ماددە کحولییەکان پلەی سێیەم  وەردەگرێت، دوای ئەوانەش کەمی وەرزش و تیشکی سەرووبەنەوشەیی چەند هۆکارێکیتری تووشبوونن بەو نەخۆشییە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin