Smiley face
Smiley face
Smiley face

ئاوارە ئێزیدییەکان پێویستیان بە هاوکاریی هەیە

2017-12-24 10:29:25



ڕۆژنیوز - قەرەچوغ ئەنوەر

 

سەختیی ژیانی ئاوارە ئێزدییەکان لەناو کامپەکاندا درێژەی هەیە و بەرپرسی ڕێکخراوێک-یش دەڵێت: ئاوارەکان پێداویستییەکانی زستانیان نییە و ژنان و منداڵان-یش ڕووبەڕووی توندوتیژیی دەبنەوە.

 

لە سنووری پارێزگای هەولێر دوو کامپی تایبەت بە ئاوارەکانی شەنگال هەیە.

 

کوردستان ڕەسوڵ، بەرپرسی پرۆژەکانی ڕێکخراوی وادی ئەڵمانی لە هەولێر بە ڕۆژنیوزی ڕاگەیاند: بەهۆی هەژاریی و بەسەربردنی ژیان لەژێر چادر و کەمی پێداویستییەکانی ژیان بەتایبەت جلوبەرگ و پێداویستیی زستانە، ئاوارە ئیزدییەکان لە دۆخێکی خراپدا ژیان دەگوزەرێنن.

 

 

سەبارەت بە دۆخی ژنان و منداڵان لەو کامپانەدا، کوردستان ڕەسوڵ، وتی: زۆرکات روبەڕووی چەندین جۆری توندوتیژی دەبنەوە.

 

لەبارەی ڕۆڵی ڕێکخراوەکەی ئەوانیشەوە، ناوبراو، وتی: بۆ کەمکردنەوەی ڕێژەی توندوتیژیی و ئاشنابوون بە یاساکانی بەرنگاربوونەوەی توندوتیژیی و خێزانیی، ژمارەیەک سمینارمان بۆ ئەنجامانداون، تاکو لەکاتی هەر کێشەیەک و ڕووبەڕووبوونەوەی توندوتیژیی پشت بە ئەم یاسایانە ببەستن بۆ بەدەست هێنانی مافەکانیان.

 

کوردستان ڕەسوڵ، وتیشی: رێکخراوی وادی ئەڵمانی دەستیکردووە بەپێشکەشکردنی هاوکاریەکانی بەم ئاوارانە و ئێستا جل و بەرگی زستانە و کەلوپەلی پێویستی زستانە بەتایبەت بۆ منداڵ و ژن و پەککەوتەکان.

 

بەهۆی هێرشی چەتەکانی داعش لە ٣/ئاب/٢٠١٤ بۆ سەر شەنگال، بە هەزاران هاوڵتی ئیزیی کۆمەڵکوژ کران و بە هەزاران ژن  ومنداڵ بەدیل گیران و بە هەزارانی دیکەش ئاوارەی ناوچەکانی دیکەی هەرێمی کوردستان و ڕۆژئاوای کوردستان بوون و لە کامپەکاندا جێگیرکران.

 

هەرجەندە شەنگال لە ١٣/١١/٢٠١٦ لەلایەن هێزە کوردییەکانەوە ڕزگارکرا، بەڵام هەتا ئێستا نە حکومەتی هەرێم و نە عێراق دەستی هاوکارییان نەگەیاندووەتە شەنگال بۆ ئاوەدانکردنەوە، تەنیا خەڵکی شەنگال بۆ خۆیان هەوڵی ئاوەدانکرندەوەی شەنگال دەدەن.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin