Smiley face
Smiley face
Smiley face

خێزانی شەهیدەکانی ١٦ی ئۆکتۆبەر هاوکاریی دەکرێن

2017-12-27 10:27:32



ڕۆژنیوز - قەرەچوغ ئەنوەر

 

هاوکاریی بەسەر برینداران و خێزانی ئەو شەهیدانەدا دابەش دەکرێت، کە لە ١٦ی ئۆکتۆبەری ئەمساڵ لە کەرکوک و خورماتوو شەهیدبوون.

 

بە پێی لێدوانێکی فوئاد عوسمان، وتەبێژی وەزارەتی کاروباری شەھیدان و ئەنفالکراوان بۆ ڕۆژنیوز، ئەمڕۆ وەزارەتی شەھیدان و ئەنفالکراوان بڕی پێنج ملیۆن دینار بەسەر هەر خێزانە شەهیدێکی ١٦ی ئۆکتۆبەردا دابەش دەکات، کە ژمارەیان ٣٧ کەسە و لە کەرکوک و خورماتوو شەهیدبوون.

 

خێزانی  ٣٧ شەھید دابەش دەکات، کە لە دوای ڕووداوەکانی ١٦ی تشرینی یەکەم لە کەرکووک و خورماتوو ناوچە دابڕێندراوەکان شەھیدبوون.

 

فوئاد عوسمان، وتیشی: خەرجکردنی پارەکە ڕەزامەندیی ئەنجومەنی وەزیران و وەزارەتی دارایی لەسەر دراوە و لیژنەی تایبەت و بەشی ژمێریاریی وەزارەتی شەھیدان وردبینیان بۆ ناوەکان کردووە.

 

 وتەبێژی وەزارەتی شەھیدان، ئاشکراشیکرد، کە وەزارەتەکەیان ھەفتەی داھاتوو بڕی یەک ملیۆن دینار بەسەر بەسەر هەر بریندارێکی ڕووداوەکانی ١٦ی ئۆکتۆبەر و ڕۆژانی دواییدا دابەش دەکات، کە ژمارەیان ٦٠٠ بریندارە.

 

جێگای ئاماژەیە لە ڕۆژی ١٦/ئۆکتۆبەری ٢٠١٧ سوپای عێراق و حەشدی شەعبی بە زەبری هێز کەرکوک و خورماتوویان خستەژێر کۆنترۆڵی خۆیانەوە لە ماوەی سێ ڕۆژدا تەواوی ناوچە دابرێندراوەکانیان کۆنترۆڵکرد.

 

لە ئەنجامی چەند کاتژمێرێکی کەم لە ڕووبەڕووبوونەوەی پیشمەرگە، ٣٧ پێشمەرگە شەهیدبوون و بە سەدانی دیکەش برینداربوون.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin