Smiley face
Smiley face
Smiley face

عێراق، 26٪ زیندانییان هەوڵی خۆکوشتنیان داوە

2017-12-28 14:47:05



ڕۆژنیوز - قەرەچوغ ئەنوەر

 

بە گوێرەی ڕاپۆرتێکی تۆڕی دادپەروەری بۆ بەندییەکان لە بارەی ڕەوشی زیندان و زیندانییەکان لە عێراق، 74% زیندانه‌کانی عێراق بۆ زیندانییەکان شیاو نین، 26% زیندانییه‌کانیش هه‌وڵی خۆکوشتنیان داوه‌.

 

ئەمڕۆ، لە هۆڵی هوتێل چوارچرا لە هەولێر، تۆڕی دادپه‌روه‌ری بۆ به‌ندییه‌کان له‌ باره‌ی ره‌وشی زیندان و زیندانییه‌کان، لە کۆنگرەیەکی ڕۆژنامەنووسیدا ڕاپۆرتێکیان بڵاوکردەوە، کە ١١١ پرسیاری له‌ خۆگرتوبوو، کە له‌ ٤٠ به‌ندینخانه‌ له‌ عێراق به‌ هه‌رێمی کوردستانیشه‌وه‌ ئاماده‌کراوه.

 

شوان سابر، سه‌رۆکی رێکخراوی تۆڕی دادپه‌روه‌ری بۆ به‌ندییه‌کان  لە کۆنگرەەکەدا دەرەنجامی ڕاپۆرتێکی خستەڕوو، کە تێیداهاتبوو:65.6% زیندانه‌کان قه‌ره‌باڵغن و زیندانیه‌کان که‌متر لە دوو مه‌تر چوارگۆشه‌دان، 84% زیندانه‌کان نوسینگه‌ی مافه‌کانی مرۆڤی تێدایه‌ له‌به‌رامبه‌ردا ئه‌و پێشێلکاریانه‌ی مافی مرۆڤ ده‌کرێت تۆمار دەکرێت، له‌ کاتێکدا 74% باڵه‌خانه‌ی زیندانه‌کان شیاو نین، به‌ جۆرێک له‌ 42% شیاویی ژیانی مرۆیی نین، 32% ئه‌و زیندانانه‌ هه‌واگۆڕکێیان خراپه‌ و ماوه‌یه‌کی زۆر که‌م تیشکی خۆریان به‌رده‌که‌وێت.

 

له‌ راپۆرته‌که‌دا هاتووه:‌ له‌ هه‌موو زیندانه‌کان سێ ژه‌م خۆراک به‌ زیندانه‌کان ده‌درێت، به‌ڵام ره‌چاوی پێکهاته‌ی خۆراکی و نه‌خۆشییه‌کانی پاڵه‌پەستۆی خوێن و شه‌کره‌ و کۆئه‌ندامی هه‌رس ناکرێت، 94% زیندانه‌کان بنکه‌ی ته‌ندروستیان هه‌یه‌، به‌ڵام 63% ئه‌و بنکه‌ ته‌ندروستیانه‌ ناتوانن وه‌ک پێویست چاره‌سه‌ری و خزمه‌تگوزاری ته‌ندروستی پێشکه‌ش بکه‌ن.

 

له‌ به‌شێکی تری راپۆرته‌که‌ هاتووه:‌ ژماره‌ی توێژه‌ری کۆمه‌ڵایه‌تی زۆر که‌مه‌ به‌راورد به‌ ژماره‌ی زیندانییه‌کان، به‌ جۆرێک 92% زیندانه‌کان کێشه‌ی که‌می ژماره‌ی توێژه‌ری کۆمه‌ڵایه‌تیان هه‌یه‌، له‌ 4% ئه‌و زیندانانه‌ش لێدان له‌ زیندانییه‌کان هه‌بووه‌ و 26% زیندانیه‌کان هه‌وڵی خۆکوشتنیان داوه‌ ، جیا له‌ چه‌ندین پێشێلکاری تر له‌ بواری مافی رۆڤ و خزمه‌تگوزاری تری کۆمه‌ڵایه‌تی و ته‌ندروستی و وه‌رزشی.

 

ئاماژەش بەوەکراوە: ئه‌و پێشێلکاریانه‌ی مافی مرۆڤ و ڕه‌وشی زیندانییه‌کان و زیندانه‌کان له‌ سه‌رتاسه‌ری عێراقه‌، به‌ڵام به‌شێوه‌یه‌کی گشتی ره‌وشی زیندانه‌کان له‌ هه‌رێمی کوردستان به‌راورد به‌ ناوچه‌کانی دیکه‌ی عێراق باشتره‌و به‌شێکی ئه‌و که‌موکوڕی و پێشێلکاریانه‌ په‌یوه‌ندی به‌ قه‌یرانی داراییه‌وه‌ هه‌یه‌.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin