Smiley face
Smiley face
Smiley face

​پێشانگایەكی فۆتۆگرافیی لە هەڵەبجە بەڕێوەچوو

2017-12-30 17:32:31



ڕۆژنیوز - جیهاد هەورامی

 

سەنتەری گەشەپێدانی چالاكی لاوان، پێشانگایەكی فۆتۆگرافیی بۆ كۆمەڵێك فۆتۆگرافەری شاری هەڵەبجە كردەوە، سەرپەرشتیاری پێشانگاكەش دەڵێت: ئامانجمان لەم پێشانگایە بۆ زیاتر بەرودانە بەتوانای گەنجان لەڕێگەی كاری فۆتۆگرافەرییەوە.

 

ئێوارەی ئەمڕۆ، لە باخچەی لقی هەڵەبجەی سەنتەری گەشەپێدانی چالاكی لاوان، پێشانگایەكی فۆتۆگرافیی بۆ ژمارەیەك فۆتۆگرافەری شارەكە بەڕێوەچوو.

 

 

شەیدا موعتەسەم، سەرپەرشتیاری پێشانگاكە و ئەندامی لقی هەڵەبجەی سەنتەری گەشەپێدانی چالاكی لاوان، بۆ ڕۆژنیوز وتی:"پاش ئەوەی لەسەرەتای ئەم مانگەوە خولێكی فۆتۆگرافەریمان بۆ نزیكەی ٢٥ گەنجی هەڵەبجە كردەوە بۆ ئاستی سەرەتا و پێشكەوتوو، بەسەركەوتوویی خولەكەمان كۆتایی پێهێنا، ئەمڕۆ لەپێشانگایەكی فۆتۆگرافیدا كە بۆ ئەو ژمارە فۆتۆگرافەرە ڕێكمانخست بۆ نیشاندانی توانا و كارەكانیان و پێدانی بڕوانامە پێیان".

 

 

شەیدا، وتیشی:"ژمارەیەك گەنجی زۆری شارەكەمان خولیایان بۆ كاری فۆتۆگرافەری هەیە و خۆشبەختانە توانیمان ئەم هەلەیان بۆ بڕەخسێنین، بتوانن لەڕێگەی ئەم خولەوە پەرە بەكاری فۆتۆگرافەرییان بدەن، لە گەشتێكی فۆتۆگرافەریشدا هەر یەك لەوان توانی كۆمەڵێك كاری جوان لەڕێگەی كامێراكەیەوە تۆمار بكات و ئەمڕۆ لەم پێشانگایە نمایشی بكات".

 

ئەنەس فاتیح، یەكێك لە بەشداربووانی خولەكە و پێشانگاكە، بە ڕۆژنیوزی وت:"بۆ ئەوەی بتوانم بەشێوەیەکی زانستی ئەو خولیای کاری فۆتۆگرافی بەدی بهێنم، بەشدارییم لەم خولە فۆتۆگرافییەی ئەم سەنتەرەم كرد و بەسەركەتوویی ئەم قۆناغەم بڕی، ئێستا وەك فۆتۆگرافەرێك دەتوانم لەڕێگەی فۆتۆكانمەوە خولیاكەم بەدی بهێنم".

 

 

ئەنەس، وتیشی:"پارێزگای هەڵەبجە دەوڵەمەندە بەسەیرانگاو سروشتی جوان و ڕەنگاوڕەنگ، هەر بۆیە لەم پێشانگایە كە تایبەت بوو بە سروشتی پاییزی سەیرانگای چاوگ، توانیمان جوانیەكانی ئەو سەیرانگایە بۆ ئامادەبووان بخەینەڕوو و بۆ لەمەودوا وەكو فۆتۆگرافەرێك كار لەسەر نیشاندانی سروشت و ڕووداوەكان و دیاردەكانی شارەكەمان دەخەینەڕوو".

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin