Smiley face
Smiley face
Smiley face

ئەمریکا لە هەوڵدایە بۆ پێکهێنانی هاوپەیمانییەکی نێودەوڵەتی بۆ پشتگیریی خەڵکی ئێران

2018-01-02 12:48:50



ڕۆژنیوز - ناوەندی هەواڵەکان

 

بەرپرسێکی وەزارەتی دەرەوەی ئەمریکا دەڵێت، کە ئەمریکا لە هەوڵداندایە بۆ پێکهێنانی هاوپەیمانییەکی نێودەوڵەتی بۆ پشتگیریکردنی خۆپیشاندانەکانی خەڵکی ئێران دژ بە حکومەت و سیستمی ئەو وڵاتە.

 

ئاندرۆ پیک، جێگری یاریدەری وەزیری دەرەوەی ئەمریکا لە کاروباری ئێران و عێراقدا، لە لێدوانێکدا بۆ کەناڵی تەلەفزیۆنی دەنگی ئەمریکا باس لە هەوڵدانەکانی وڵاتەکەی دەکات بۆ پێکهێنانی پشتیوانییەک بۆ خۆپیشاندانەکانی ئێران.

 

ئاندرۆ پیک وتی: داوا لە حکومەتی ئێران دەکەین، کە ڕێز لە مافی خەڵکی ئێران بگرێت بۆ ئەنجامدانی خۆپیشاندانی ناڕەزایی، هەروەها ڕێز بگرێت لە مافی هاوڵاتیان بۆ گواستنەوەی زانیاری لە رێگای تۆڕە کۆمەڵایەتییەکانەوە.

 

ناوبراو وتیشی: ڕێکس تەیلرسنی وەزیری دەرەوەی ئەمریکا لە هەوڵدان و دانوستاندایە لەگەڵ یەکێتی ئەوروپا و چەندین وڵاتی دیکە بۆ پێکهێنانی هاوپەیمانییەکی نێودەوڵەتی بۆ پشتگیریکردنی خەڵکی ئێران.

 

جێگای ئاماژەیە، کە خۆپیشاندانەکانی خەڵکی ئێران دژ بە دەسەڵاتی سیاسی، ئابوری و سەربازی، شەوی ڕابردوو لە پێنجەمین رۆژی دوابەدوای یەکدا بەردەوامبوو، ڕاگەیاندە فەرمییەکانی حکومەتی ئێران کوژرانی نۆ خۆپیشاندەریان ڕاگەیاند، لە ئەنجامی پێنجەمین شەوی خۆپیشاندانەکاندا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin