Smiley face
Smiley face
Smiley face

ئەمڕۆ لیستی مووچەی مامۆستایان دەبرێتە بەغدا

2018-01-02 13:03:42



ڕۆژنیوز – ڕۆزە محەمەد

 

بەڕێوەبەرایەتی پەروەردەی سلێمانی لیستی مووچەی مامۆستایان و فەرمانبەرانی ئامادەکردووە، کە بودجەکەی ٤٦ ملیار و ٦٠٢ ملیۆن دینارە، بەڕێوەبەری گشتی سلێمانیش ڕایدەگەیەنێت: شاندێکی هەرێم بۆ مووچەی پەروەردە دەچنە بەغدا.

 

لە ماوەکانی ڕابردوو، حەیدەر عەبادی سەرۆک وەزیرانی عێراق بڕیاری دا بە ناردنی مووچەی هەردوو وەزارەتەکانی پەروەردە و تەندروستی، بۆ ئەو مەبەستەش هەردوو وەزارەت دەستیان کردووە بە ئامادەکردنی لیستی مووچە خۆرەکانیان، دڵشاد عومەر بەڕێوەبەری گشتی پەروەردەی سلێمانی سەبارەت بە لیستی مووچە و ڕێژەی فەرمانبەرەکانیان و بڕی بودجەی پەروەردەی سلێمانی بۆ ڕۆژنیوز دەدوێت.

 

دڵشاد عومەر، ڕایگەیاند: لە چەند ڕۆژی ڕابردوو فەرمانبەرانمان تاوەکو کاتژمێرەکانی کۆتایی شەویش لە بەڕێوەبەرایەتییەکە ماوەنەتەوە بۆ ئەوەی لیستی مووچە ئامادە بکەن، بۆ ئەوەی بیدەینە نوێنەری حکومەتی هەرێمی کوردستان لەسەر وەزارەتی پەروەردە کە دەچن بۆ بەغدا.

 

 

وتیشی: ٤٨ هەزار و ٥٠١ فەرمانبەر و مامۆستای هەمیشەییمان هەیە لە پەروەردەی سلێمانی، کە خۆی لە ١٢ بەڕێوەبەرێتی پەروەردە دەبینێتەوە لەگەڵ سێ یەکەی سەرپەرشتیاری دیوانی بەڕێوەبەرێتی گشتی پەروەردەی سلێمانی، هەروەها هەزار و ٦٤٢ مامۆستا و فەرمانبەری گرێبەستمان هەیە.

 

ناوبراو، ئاماژەی بەوەشدا: بە پێی ئەو لیستە بڕە بوودجەی ٤٦ ملیار و ٦٠٢ ملیۆن دینار دەکات کە لە بەغداوە بێت، ئەم مووچەیە مووچەی تەواوە و بێ پاشەکەوتە و بۆ مانگی ١٢یە.

 

بەڕێوەبەری گشتی پەروەردەی سلێمانی ئەوەشی خستەڕوو: ئەمڕۆ شاندێکی حکومەتی هەرێمی کوردستان لە وەزارەتی پەروەردە دەچنە بەغدا، سەردانی شاندەکە تایبەت دەبێت بە پێداچوونەوی میلاک و لیستی مووچە بۆ بابەتی خەرجکردنی.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin