Smiley face
Smiley face
Smiley face

سەردانی وەزیری دەرەوەی فەرەنسا بۆ تاران دواخرا

2018-01-03 09:33:40



ڕۆژنیوز - ناوەندی هەواڵەکان

 

کۆشکی ئێیلیزی فەرەنسا ڕاگەیەندراوێکی بڵاوکردەوەو تێیدا ڕایگەیاند، کە ئیمانوێل ماکرۆنی سەرۆک کۆماری فەرەنسا و حەسەن ڕۆحانی، هاوتا ئێرانییەکەی لەبارەی خۆپیشاندانەکانی ئێرانەوە بە تەلەفۆن قسەیان کردووە، هەروەها ڕاگەیەندرا، کە سەردانی وەزیری دەرەوەی فەرەنسا بۆ تاران دواخراوە.

 

دەربارەی پەیوەندی تەلەفۆنی نێوان ماکرۆن و ڕۆحانی، و پەیوەندییەکانی فەرەنسا و ئێران، کۆشکی ئێیلیزی شەوی رابردوو ڕاگەیەندراوێکی بڵاوکردەوە.

 

لە پەیوەندییە تەلەفۆنییەکەدا، ماکرۆن نیگەرانی دەربڕیوە سەبارەت بە ڕووداوەکانی ئەم دواییانەی ئێران و داواشی لە ڕۆحانی کرد، کە ئازادیی خۆپیشاندەران بپارێزێت.

 

هەروەها کۆشکی ئێلیزی فەرەنسا ڕاگەیەندراوێکی بڵاوکردووەتەوەو ئاشکرایکردووە، کە سەردانی ژان ئیو لۆدریان، وەزیری دەرەوەی فەرەنسا کە وا بڕیار بوو رۆژی هەینی لە تاران بێت، دواخراوە.

 

ڕاگەیاندنەکانی ئێران ڕایانگەیاندووە، کە حەسەن ڕۆحانی لە پەیوەندییە تەلەفۆنییەکەیدا لەگەڵ ماکرۆن، پێی وتووە کە نابێت ڕێگابدرێت بە موجاهدینی خەڵک کە ناوی لە لیستی تیرۆر دایە، لە فەرەنسا چالاکی ئەنجام بدەن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin