Smiley face
Smiley face
Smiley face

ڕێکخراوێکی ژینگەیی ڕێزلێنانی بەخشییە ڕۆژنیوز و ژمارەیەک لە پەیامنێرانی

2018-01-05 16:38:16



ڕۆژنیوز - هاوڕێ و بۆتان

 

لەبەرامبەر ڕووماڵکردن و بایەخدان بە کاروچالاکییە ژینگەییەکان، ڕێکخراوی سروشتی کوردستان خەڵاتی ڕێزلێنانی بەخشییە ئاژنسی هەواڵی ڕۆژنیوز و  بەشێک لە پەیامنێرانی.

 

دوا نیوەڕۆی ئەمڕۆ، لە ئۆفیسی سەرەکی  ڕێکخراوی سروشتی کوردستان، لە شارۆچکەی دەربەندیخانی سەر بە پارێزگای سلیمانی، لە مەراسیمێکدا  ڕێز لە ژمارەیەک دەزگای ڕۆژنامەوانی و پەیامنێری شار و شارۆچکەکانی کوردستان نرا .

 

لەسەرەتای مەراسیمەکەدا، سەروەر قەرەداغی، هاوسەرۆکی ڕێکخراوی سروشتی کوردستان، وتارێکی پێشکەشکرد وتی : ئەم مەراسیمە ڕێزگرتنێکە لە ماندووبوونی ژمارەیەک دەزگای ڕاگەیاندن و ڕۆژنامەنووس، کە بەردەوام چالاکییەکانی ڕێکخراوی سروشتی کوردستانیان  ڕووماڵکردوە و بایەخیان بە گواستنەوەی هەواڵ و کار و چالاکییە ژینگەییەکان داوە.

 

قەرەداغی، وتیشی: ئەم ڕێزلێنانە هاندانێکە بۆ ئەو دەزگا و ڕۆژنامەنووسانەی دیکە، کە تا ئێستا بە کەمی بایەخیان بە ژینگە داوە، بۆ ئەوەی  ئەوانیش هاوشێوەی ئەم دەزگایانە کار بۆ خزمەتکردن و جوانکردنی ژینگەی ناوچەکە بکەن.

 

هاوسەرۆکی ڕێکخراوی سروشتی کوردستان، ئەوەشی وت: ئاژانسی هەواڵی ڕۆژنیوز و پەیامنێرەکانی لەم مەراسیمەدا پشکی شێریان بەرکەوتووە، چونکە ئەم دەزگا لەگەڵ پەیامنێرەکان کاری زۆریان بۆ خزمەتی ژینگەی  کوردستان کردووە و بەشێکی تایبەتیان لە ئاژانسەکەیان بۆ ژینگە تەرخان کردووە.

 

لە کۆتای قسەکانیدا، قەرەداغی  ئاماژەی بەوەشدا، هەر ئەمڕۆ ڕێز لە ژمارەیەک ئەندامی ڕێکخراوەکەی خۆمانیش دەنێین، چونکە ئەوانیش ماندووبون بە خزمەتکردنی ژینگە، هەروەها وەک هاندانێک بۆ کاری زیاتر ڕێزیان لێ دەنێین.

 

ئاژانسی هەواڵی ڕۆژنیوز، ئاژانسێکی هەواڵییە و لە ٠١-١٠-٢٠١٤ بە دروشمی "خستنەڕووی ڕاستییەکان ئەرکی ئێمەیە" دەستی بە وەشان کردووە، ئاژانسەکە بەشێکی تایبەت کردووە بە ژینگە و جگە لە ڕووماڵکردنی کارو چالاکییە ژینگەییەکان، بەشێوازی جۆراوجۆر کار لەسەر ژینگە  دەکات .

 

ڕێکخراوی سروشتی کوردستان، لە ساڵی   ۲۰۱۲  دامەزراوە و بارەگای سەرەکی ڕێکخراوەکە لە شارۆچکەی دەربەندیخانە و لە بەشێک لە شار و شارۆچکەکانی دیکەی هەرێمی کودستان ئۆفیسی هەیە.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin