Smiley face
Smiley face
Smiley face

پژاک لە ستۆکهۆڵم حکومەتی ئێرانی شەرمەزارکرد

2018-01-08 09:06:42



ڕۆژنیوز - ناوەندی هەواڵەکان

 

لە سوید بەمەبەستی پشتگیریکردنی گەلانی ئێران کە دژ بە دەسەڵاتداریی سیاسی، ئابوری و سەربازی ئێران ڕاپەڕیون، خۆپیشاندانێک ئەنجامدرا.

 

دوێنێ لە مەیدانی مینتۆرگەتی ستۆکهۆڵمی پایتەختی سوید، لە سەر بانگەوازیی پارتی ژیانی ئازادی کوردستان- پژاک، چالاکییەک ئەنجامدرا و تێیدا تاوانەکانی حکومەتی ئێران دژی هاوڵاتیان شەرمەزارکرا.

 

لە چالاکییەکەدا ئاڵای پژاک، پەکەکە و پۆستەر و وێنەی عەبدوڵا ئۆجالان، ڕێبەری پەکەکە هەڵواسرا و بە دەستەوە گیرا، هەروەها دروشمی مەرگ بۆ حکومەتی ئێران وترایەوە.

 

لە چالاکییەکەدا کاروان سەعید، بەناوی کۆنگرەی نەتەوەیی کوردستان- کەنەکەوە قسەی بۆ ئامادەبووان کردو کردەوە نامرۆیانەکانی حکومەتی ئێرانی دژ بە هاوڵاتیان لە ١٩٧٩ وە بۆ ئێستا بە بیر هێنایەوەو، وتی: ئەو چالاکییانەی دژی حکومەتی ئێران ئەنجام دەدرێن سەرهەڵدانی گەلانی ئێرانە دژ بەو سیستمە.

 

لە بەردەوامیشدا وتی: حکومەتی ئێران ڕێوشوێنی سەربازیی دژی هاوڵاتیان گرتووەتە بەر بۆ ئەوە ڕێگری بکات لە پەرە سەندنەوەیی ناڕەزاییەکان لە ئێران و ڕۆژهەڵاتی کوردستان.

 

شیلا کالەندەری، بەناوی کۆمیەتەی ستۆکهۆڵمی پژاکەوە وتی: ئەو ناڕەزاییانە سەرهەڵدانی گەلانی ژێردەستە لە دژی حکومەتی مەلاکان، بانگەوازیی ڕایگشتیی سوید و ئێران دەکەین، کە پشتگیریی چالاکییەکانی هاوڵاتیان بکەن و حکومەتی ئێران شەرمەزاربکەن.

 

هەروەها باسی لە پشتگیرییکانی مارگۆت واڵسترۆم، وەزیری دەرەوەی سوید کرد بۆ حکومەتی ئێران و، وتی، ئەو قسانەی وەزیری دەرەوە قبوڵ ناکرێت.

 

فەراه بۆجالی-ش، وەک نوێنەری یەکێتی ژنانی سارا قسەیکردو وتی: گەنجان و کرێکاران پێشەنگایەتی ناڕەزاییەکانی ئێران دەکەن، بانگەوازیی ژنانی کورد لە سوید دەکەم، کە بە مەبەستی پشتگیریکردنی مافی ژنان بڕژێنە سەر شەقامەکان.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin