Smiley face
Smiley face
Smiley face

کەنەکە داوای ئاشکراکردنی کەیسی ساکینە جانسز و هەڤاڵانی لە فەرەنسا دەکات

2018-01-08 09:44:59



ڕۆژنیوز – ناوەندی هەواڵەکان

 

کەنەکە لە پێنجەمین ساڵیادی سێ ژنە تێۆکشەری کورد ساکینە، فیدان و لەیلا، داوا دەکەن فەرەنسا کە کەیسەکەیان بە روونی ئاشکرا بکرێت.

 

ئەمڕۆ، کۆنگرەی نەتەوەیی کوردستان – کەنەکە، لە پێنجەمین ساڵیادی تیرۆرکردنی سێ ژنە تێکۆشەری کورد، ساکینە جانسز، لەیلا شایلەمەز و فیدان دۆغان لە پاریسی پایتەختی فەرەنسا، پەیامێکی بڵاوکردەوە.

 

لە پەیامەکەدا هاتووە: داوا لە دەوڵەتی فەرەنسا دەکەین کە کەیسی تیرۆکردنی ساکینە، فیدان و لەیلا بە روونی ئاشکرا بکرێت و، بە پێی بنەماکانی دادو دیموکراسی مامەڵەی لەگەڵ بکرێت، هەروەها دادگای پاریسیش بڕیارێکی دادپەروەرانە بدات و دەوڵەتی تورکیا لەسەر ئەم تاوانە سزا بدرێت.

 

باس لەوەشکراوە: کۆنگرەی نەتەوەیی کوردستان جارێکی تر ئەنجامدەرانی ئەم تاوانە کە رێبەرانی دەولەتی تورکیان، بە توندی شەرمەزار و مەحکوم دەکات.

 

ئاماژەش بەوەدراوە: میت پلانی کوشتنی ئەو تێکۆشەرانەی داڕشت و بە کردەوەش بە ئەنجامی گەیاند، چونکە بەکرێگیراوێکی خۆی لەناو کۆمەڵی  کوردی پاریسدا چاندبوو، ئامانجی دەوڵەتی تورکیا ئەوەبوو کە هەر لەسەرەتاوە دەستپێشخەریی پرۆسەی چارەسەریی تێکبدات، هەڵبژاردنی پاریسیش بە مەبەست بوو، چونکە ئەو کاتە فەرەنسا هاوکاری دۆزی کوردستان بوو، چ لە باشورو چ لە رۆژئاوای کوردستانیش.

 

ئەوەشخراوەتەڕوو: لە دەنگدانەوەی کوشتنی ئەو ژنە سیاسەتمەدارانەدا، لێکدانەوەی بزاڤی رزگاریخوازی کوردستان و خەڵکی کورد بە گشتی راست دەرچوو، هەر زوو دەستنیشانیان کرد کە ئەوە دەوڵەتی تورکیایە لەپشت ئەو کارە تیرۆریستییەوە وەستاوە، هەر لەو سۆنگەیەوە بوو داوا لە فەرەنسا کرا کە تورکیا بە سەرچاوە بگرێت و لەو رێیەوە دەست بە لێکۆڵینەوە بکات و هەڵوێستی جدیی خۆی بەرامبەر تورکیا رابگەیەنێت.

 

لە ڕاگەیەندراوەکەشدا هاتووە: ئەوا پێنج ساڵ بەسەر ئەو هێرشە تێرۆریستییەدا تێپەڕی و هێشتاش دەوڵەتی فەرەنسا ئامادە نییە پەردە لەسەر ئەو تاوانە هەڵبداتەوە، مردنی ئەو کەسەش لە زینداندا کە کردەوە تیرۆریستیەکەی ئەنجامدا، گومانهەڵگرە، چونکە دوای مردنی ئەو تاوانبارە، دادگای فەرەنسا ئەو دۆسییەی داخست و خستییە ناو تەپوتۆزی ئەرشیفەوە.

 

باس لەوەشکراوە: دواجار کەجەکە لەسەر ناوی ساکینە لە ئۆپەراسیۆنێکی سەربازیدا دوو بەرپرسی باڵای میتی دەستگیر کرد، لە ئەنجامی لێکۆڵینەوە لەو کەسانەدا بەڵگەو دانپێدانانی میت سەبارەت بە ئەو تاوانە بۆ ڕای گشتی ئاشکرا کران، ئەو راستییە دەرکەوت کە دەوڵەتی تورکیا و حکومەتی ئەردۆغان فەرمانی ئەو کردەوە تێرۆریستییەیان دەرکردووەو ئەرکی بە ئەنجامدانیشیان بە  دەزگای میت  سپاردووە.

 

لە کۆتاییدا کەنەکە ڕایگەیاندووە: دەوڵەتی فەرەنسا، بەتایبەتیش لەم پرسەدا لە هەڵەیەکی گەورەدایە، دەزگای سیخوڕیی فەرەنسا، حکومەتی فەرەنسا و دادگای فەرەنسا زۆر بە روونی دەزانن کە میت و دەوڵەتی تورکیا ئەو کارەیان ئەنجام داوەو دەولەتی تورکیا بەرپرسە، ئەم کارە لە دژی سەروەری دەسەڵاتی فەرەنساشە، بەڵام  لەبەر بەرژەوەندی ئابووری لەگەڵ دەوڵەتی تورکیا، هیچ هەڵوێستێکی روون سەبارەت بەو کارە تیرۆریستیەی لەسەر خاکی ئەو کراوە، بەرامبەر تورکیا ناگرێتە بەر.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin