Smiley face
Smiley face
Smiley face

ئێران، دەستگیرکراوێکی خۆپیشاندانەکان لە زیندانی ئەویندا بە شێوەیەکی گوماناوی گیانی لەدەستدا

2018-01-08 10:21:08



ڕۆژنیوز - ناوەندی هەواڵەکان

 

کۆمیتەی بەدواداچوون بۆ دۆخی دەستگیرکراوەکانی خۆپیشاندانە سەرتاسەرییەکانی ئێران ڕایگەیاند، کە سینا قەنبەری لە زیندانی ئەوینی تاران بە شێوەیەکی گوماناوی گیانی لە دەستداوە.

 

شەوی ڕابردوو کۆمیتەی بەدواداچوون بۆ دۆخی دەستگیرکراوانی خۆپیشاندانە سەرتاسەرییەکان ڕایگەیاند، کە سینا قەنبەریی تەمەن ٢٣ ساڵی شەوی شەممە لە زیندانی ئەویندا بە شێوەیەکی گوماناوی گیانی لە دەستداوە.

 

هەندێک لە سەرچاوەکان دەڵێن، کە ناوبراو خۆی کوشتووە، بەڵام چالاکوانی مافی زیندانیانی سیاسی لە ئێران ئەو ئەگەرە قبوڵ ناکەن و دەڵێن لە هەر حاڵێکدا بەڕێوەبەرانی زیندانی ئەوین و بەرپرسانی حکومەتی ئێران لە بەرامبەر گیان لە دەستدانی سینا قەنبەریدا  بەرپرسن.

 

ژمارەیەک لە سەرچاوەکانی دیکە باس لەوە دەکەن، کە دەرزی زۆر خەستی میتادۆن لە سینا قەنبەری دراوەو و بەو هۆیەوە گیانی لە دەستداوە.

 

جێگای ئاماژەیە، ڕۆژ لەدوای ڕۆژ نیگەرانی هاوڵاتیانی ئێران بۆ دووبارە بوونەوەی ڕووداوەکانی ناو زیندانەکان لە پاش خۆپیشاندانەکانی سالی ٢٠٠٩ زیاتردەکات، لە ساڵی ٢٠٠٩دا  دەیان زیندانی لە زیندانەکاندا لە ژێر ئەشکەندەدا کوژران و دواتریش کەس بەرپرسیارێتی ئەو تاوانانەی لە ئەستۆ نەگرت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin