Smiley face
Smiley face
Smiley face

وتەبێژی هەدەپە: تورکیا دەیەوێت بەڕێوبەرانی ئێمە بکاتە سیخوڕ

2018-01-08 17:20:49



ڕۆژنیوز – ناوەندی هەواڵەکان

 

وتەبێژی هەدەپە ڕایگەیاند: دوای دوو ساڵ بەدواوە، بەڕێوبەرانی ئێمە لە زیندانەوە دەیانبەنە بەردەم دادگا، بە گرفت دروستکردن بۆیان، دەیانەوێت بەڕێوبەرانی ئێمە بکەنە سیخوڕ.

 

ئەمڕۆ، ئایهان بیلەگەن، وتەبێژی پارتی دیموکراتی گەلان-هەدەپە، لە ناوەندی گشتی هەدەپە لە ئەنقەرە-ی تورکیا، کۆنگرەیەکی ڕۆژنامەنووسی لەسەر دواین پێشهاتەکانی تورکیا ئەنجامدا.

 

لە کۆنگرە ڕۆژنامەنووسییەکەدا، ئایهان بیلەگەن، وتی:"بە سزادانی ئدریس بالوکەن و سەباحەت تونجەل، ڕاستەوخۆ ویستیان کە سیاسەتی دیموکراتی سەرکوت بکەن، ویستیان هەوڵەکان بۆ چارەسەریی دیموکراتییانە سزا بدەن، لەبەر ئەوەی لەچوارچێوەی ئازادیی فکریی پارێزبەندی کوردیدا قسەیانکرد، سزادران".

 

ئاماژەی بەوەشکرد:"ئەمڕۆ گۆڕ و گۆڕستانەکان دەشکێندرێن و تێکدەدرێن، لەم قۆناغەدا قسەوباس لەسەر گۆڕستانەکان شەرمێکی گەورەیە، ئەو کردەوەیە لەدژی مرۆڤایەتییە، گۆڕستانەکانی وەک گرفت بۆ خۆیان دەبینن، لە قۆناغێکی بەم شێوەیەدا بە یاری بە ئازارەکانی گەل دەکەن، هێزی خۆیان لەسەر گۆڕستانەکان نمایش دەکەن".

 

وتەبێژی هەدەپە، وتیشی:"بەڕێوبەرە دەستگیرکراوەکانی ئێمە سزا دەدرێن، دوای دوو ساڵ بەدواوە دەیانبەنە بەردەم دادگا، بە گرفت دروستکردن بۆیان، دەیانەوێت بەڕێوبەرانی ئێمە بکەنە سیخوڕ، دەیانەوێت بەڕێوبەرانی ئێمە ببنە هاوکاری ئەوان و سیخوڕییان بۆ بکەن، ئەمە کوشتنێکی مەدەنییە، ئێمە ئەمە شەرمەزار دەکەین".

 

ئایهان بیلەگەن، وتەبێژی پارتی دیموکراتی گەلان-هەدەپە، ئەوەشی خستەڕوو:"ڕۆژەڤی سەرەکی لە تورکیا باری نائاساییە، دەبێت ئیتر باری نائاسایی هەڵبگیرێت، ڕۆژەڤی سەرەکی پارتەکەی ئێمەش باری نائاساییە، بەڵام لە ڕۆژەڤی پارتەکانی دیکەدا هەڵبژاردن هەیە، لە هەلومەرجی باری نائاساییدا، هەڵبژاردن چۆن ئەنجام دەدرێت؟".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin