Smiley face
Smiley face
Smiley face

یەژەجەرە داوای بەشداریی ژنانی گەنجی ئێران و ڕۆژهەڵات لە خۆپیشاندانەکاندا دەکات

2018-01-08 17:49:44



ڕۆژنیوز – ناوەندی هەواڵەکان

 

یەژەجەرە ڕایدەگەیەنێت: داوا لە هەموو ژنانی گەنجی ئێران و ڕۆژهەڵاتی کوردستان دەکەین، کە بەهێزێکی بەهێزتر و بە ڕێکخستنبوون، بەشداریی لە هەموو ئەو سەرهەڵدانانەدا بکەن، بۆ بەدیهێنانی دواڕۆژێکی دادپەروەرانە و ئازدی و یەکسانی تێبکۆشن.

 

ئەمڕۆ، یەکێتی ژنانی گەنجی ڕۆژهەڵاتی کوردستان-یەژەجەرە، لەسەر خۆپیشاندانەکانی ئێران و ڕۆژهەڵاتی کوردستان و بەشداریی ژنانی گەنج لەو خۆپیشاندانانەدا، ڕاگەیەندراوێکی بڵاوکردەوە.

 

لە ڕاگەیەندراوەکەی یەکێتی ژنانی گەنجی ڕۆژهەڵاتی کوردستان-یەژەجەرە دا، هاتووە:"ئێران لە مێژووی خۆیدا، یەکەم جارە شاهیدی سەرهەڵدانێکی بەم شێوەیە دەدات، ئەوانەشی کە ئەم سەرهەڵدانە بەم شێوازە مێژووییە دەکەن، پێشەنگایەتی ژنان و گەنجانە، بەتایبەت بەشداربوونی ژنانی گەنج، ڕەنگ و ئاستی ڕاپەڕینەکەشی گۆڕیوە، یەکەم جارە لەو ئاستەدا ژنانی گەنج ڕوو لە مەیدانەکان دەکەن و مۆرکی خۆیان لە هەموو چالاکی سەرهەڵدانەکان دەدەن".

 

ئەوەش هاتووە:"پێشەنگایەتی و بەشداربوونی ژنانی گەنج لەو سەرهەڵدانانەدا، دەبێتە میکانیزمی سەرکەوتنی داواکارییەکانی گەلانیش، ژنانی گەنج ئەمڕۆ خاوەن ناسنامەیەکی جیاوازی ڕێکخستنین و ئەمەش هێزێکی زیاتر بەوان دەبەخشێت".

 

لە کۆتایی ڕاگەیەدنراوەکەدا، هاتووە:"ئێمە وەکو یەژەجەرە، داوا لە هەموو ژنانی گەنجی ئێران و ڕۆژهەڵاتی کوردستان دەکەین، کە بەهێزێکی بەهێزتر و بە ڕێکخستنبوون، بەشداریی لە هەموو ئەو سەرهەڵدانانەدا بکەن، بۆ بەدیهێنانی دواڕۆژێکی دادپەروەرانە و ئازدی و یەکسانی تێبکۆشن".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin