Smiley face
Smiley face
Smiley face

لە پەرلەمانی ئەوروپا کۆنفرانسێک لەبارەی ئێران و ڕۆژهەڵاتی کوردستان بەڕێوەدەچێت

2018-01-09 12:34:48



ڕۆژنیوز - ناوەندی هەواڵەکان

 

سەبارەت بە دۆخی ڕۆژهەڵاتی کوردستان و ئێران، لە پەرلەمانی ئەوروپدا لە برۆکسلی پایتەختی بەلجیکا کۆنفرانسێکی نێودەوڵەتی بەڕێوەدەچێت و تێیدا هاوسەرۆکی پژاک-یش بەشداری دەکات.

 

ڕۆژی ١١ی مانگ لە پەرلەمانی ئەوروپادا کۆنفرانسێک بەناوی "چارەسەرییەکی دیموکراتی بۆ کێشەکانی ئێران و ڕۆژهەڵاتی کوردستان" لەبارەی کێشەکانی گەلانی ئێران بەڕێوەدەچێت.

 

ژمارەیەکی زۆر لە ڕۆشنبیران، نووسەران و ئەکادمیسییەن و کەسایەتیی سیاسی لە ئەمریکا و ئەوروپا و ڕۆژهەڵاتی ناوەڕاستەوە لەو کۆنفرانسەدا بەشداری دەکەن.

 

وا بڕیارە لە کۆنفرانسەکەدا، کێشەکانی گەلی کورد و گەلانی ئێران بنرخێنرێت.

 

ئەو کۆنفرانسە لە کاتی سەرهەڵدانی گەلانی ئێران دژ بە حکومەتی ئێران بەرێوەدەچێت، بۆیە بە گرنگ دادەنرێت.

 

ڕاگەیەندراوە، کە سیامەند موعینی، هاوسەرۆکی پارتی ژیانی ئازادی کوردستان- پژاک لەو کۆنفرانسەدا بەشداری دەکات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin