Smiley face
Smiley face
Smiley face

تاران، هێرش کرایە سەر گردبوونەوەی هاوڵاتیان لە بەردەم زیندانی ئەوین

2018-01-10 08:48:01



ڕۆژنیوز - ناوەندی هەواڵەکان

 

ژمارەیەک لە دەروێشە گونابادییەکانی ئێران و هەروەها هاوڵاتیانی دیکە ماوەی چەند ڕۆژێک بوو لە بەردەم زیندانی ئەوین گردببوونەوەو داوای ئازادکردنی دەستگیرکراوانیان دەکرد، شەوی ڕابردوو هێرش کرایە سەر ئەو گردبوونەوەیە.

 

ئەو گردبوونەوەیە کە بە پێشەنگایەتیی دەروێشەکانی گوناباد دەستیپێکردووە، هاوڵاتیانی دیکەشی لە خۆگرتووە، نەسرین ستودەی پارێزەر یەکێکە لە دیارترین بەشداربووانی ئەو گردبووەنوەیە، داواکاریی خۆپیشاندەران ئازادکردنی دەستگیرکراوانە.

 

شەوی ڕابردوو، ژمارەیەک لە یەکینە تایبەتەکانی پۆلیسی ئێڕان بە دار و گازی فرمێشک ڕێژەوە هێرشیان کردە سەر خۆپیشاندانەکە و بڵاوەیان پێکرد.

 

لە بەرمبەردا هاوڵاتیانی خۆپیشاندەری بەردەم زیندانی ئەوین خۆڕاگرییان کرد و بە وتنەوە دروشمی "بترسن، بترسن، ئێمە هەموو پێکەوەین" بۆ ماوەیەک پاشەکشەیان بە هێزە سەرکوتگەرەکانی حکومەتی ئێڕان کرد.

 

لە ئەنجامی بەرخۆدانی هاوڵاتیان لە بەر دەم زیندانی ئەویندا، چوار خوێندکار ئازادکران.

 

جێگای ئاماژەیە، بە بڵاوبوونەوەی هەواڵی کوژرانی سێ دەستگیرکراوی خۆپیشاندانەکانی ئەم دواییانە لە زینداندا، ئەو نیگەرانییە کەوتووەتە ڕای گشتی ئێرانییەوە کە ئەگەر بەدواداچوونی جدی نەکەن بۆ گیانی دەستگیرکراوان هەموو جۆرە ئەشکەنجەیەک بە سەریان دێت، بۆیەشە هەموو ڕۆژە لەلایەن گروپە چالاکەکانی مافی مرۆڤەوە بانگەوازی دەکرێت بۆ گردبوونەوە لە بەردەم زیندانی ئەوین.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin