Smiley face
Smiley face
Smiley face

لە فیستیڤاڵی هەرزانکردنی نرخ ٨٠٠ هەلی کار بۆ گەنجان ڕەخسێندراوە

2018-01-10 10:28:12



ڕۆژنیوز - ڕۆزە محەمەد

 

فیستیڤاڵی هەرزانکردنی نرخ لە سلێمانی بەردەوامە و تیایدا ٨٠٠ هەلی کار بۆ گەنجان ڕەخسێندراوە.

 

لە ١/١/٢٠١٨ لە کارگەی جگەرەکەی شاری سلێمانی فیستیڤاڵی هەرزانکردنی نرخ لەلایەن ١٨٠ کۆمپانیەوە کرایەوە، وابڕیاریشە تا کۆتایی مانگی دوو بەردەوامی هەبێت.

 

بنار هیدایەت، وتەبێژی فیستیڤاڵەکە بە ڕۆژنیوزی وت: لە فیستیڤاڵەکە دا ٨٠٠ هەلی کارمان بۆ هاوڵاتیانی شاری سلێمانی و دەوروبەری ڕەخساندووەو ٢٠٠ ژنیش بە کاری دەستی تێیدا بەشدارن، کە بەشێکیان بۆ دابین کراوە بە بێ بەرامبەر.

 

 

ئاماژەی بەوەشدا: بە داخەوە کە حکومەتی هەرێمی کوردستان ماوەی ساڵێک زیاترە نەیتوانیوە هیچ پڕۆژەیەکی ئابووری پێشکەش بکات و تاڕادەیەک مایەپووچی ئابووری ڕاگەیاندووە، هەربۆیە ئێمەش بە مەبەستی کەمکردنەوەی بارگرانی لەسەر شانی هاوڵاتیان ئەم فیستیڤاڵەمان کردەوە.

 

ڕاشیگەیاند: لێرەوە داوا لە هاوڵاتیان دەکەین هەر کالایەک نرخەکەی لە سەروو نرخی (جملە) وە بوو دەتوانن دەستەی سەرپەرشتیاری فیستیڤاڵەکە ئاگادار بکەنەوە کاڵاکە دەگەڕێتەوە بۆ کۆمپانیاکە.

 

وتەبێژی فیستیڤاڵەکە، لە کۆتاییدا ڕاشیگەیاند: بەشیکی زۆری ئەم فیستیڤاڵە دابینکراوە بۆ پەڕتووک کە بە نرخێکی زۆر هەرزان دەفرۆشرێن.

 

جوان سەبور، یەکێک لەو خانمانەی کە بەشداربووی فیستیڤاڵەکە بوو بە کاری دەستی بە ڕۆژنیوزی وت: فیستیڤاڵەکە بەشێوەیەکی زۆر باش بەڕێوەدەچێت و ڕۆژانە هاوڵاتیان زۆر سەردان دەکەن و هەندێکیان نرخەکانیان پێ باشە و هەندێکیشیان نرخەکان بە گران دەزانن.

 

 

جوان، وتیشی: من بە کاری چنین بەشداریم کردووە وەک شاڵ و ملپێچ و کڵاو و دەستکێش و سەرمێز و چەندین کەلوپەلی دیکە.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin