Smiley face
Smiley face
Smiley face

خۆپیشاندان لە تونس بەردەوامە و زیاتر لە ٢٠٠ کەس دەستگیرکراون

2018-01-10 16:44:42



ڕۆژنیوز - ناوەندی هەواڵەکان


خۆپیشاندانەکانی خەڵکی تونس دژی دەسەڵاتداریی سیاسی لەو وڵاتەدا بەردەوامە و هێزەکانی پۆلیس زیاتر لە ٢٠٠ خۆپیشاندەریان دەستگیرکردووە.


لە شەوی دووشەممەوە خۆپیشاندان لە شارەکانی تونس و تەبوربەی وڵاتی تونس دژ بە پرۆژەیاسای بودجەی ئەو وڵاتە دەستیپێکردوە و تا ئێستاش بەردەوامە.


خەلیفە شیبانییان وەزیری ناوخۆی تونس ڕایگەیاندووە، کە لە خۆپیشادانەکاندا ٢٠٦ خۆپیشاندەر دەستگیرکراون و ٤٩ پۆلیسیش برینداربوون.


فرانس پرێس برینداربوونی دەیان خۆپیشاندەریشی ڕاگەیاندووە.


لە یەکەم شەوی خۆپیشاندانەکاندا، کە دژی پرۆژەیاسای بودجە و دۆخی نالەباری ئابوریی تونس دەستیپێکرد، خۆپیشاندەرێک لە شاری تەبوربە کوژرا، هێشتا هۆکاری کوژرانەکەی بە فەرمی ڕانەگەیەندراوە، بەڵام خۆپیشاندەران بە شەهید ناوی دەبەن.


شەوی ڕابردوو هەزاران پۆلیس شەقامەکانی تونسی پایتەخت و تەبوربە کۆنترۆڵ کرد، لەگەڵ ئەوەشدا خۆپیشاندەران بەردەوام بوون لە خۆپیشاندانەکانیاندا و لە ئەنجامدا ڕووبەڕووبوونەوەی قورس لەنێوان خۆپیشاندەران و پۆلیسەکاندا ڕوویدا.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin