Smiley face
Smiley face
Smiley face

ژینگەی باشور زەنگی مەرگ لێدەدات

2018-01-11 13:35:42



ڕۆژنیوز ـ هاوڕێ و بۆتان

 

سەرۆکی ڕێکخراوی سروشتی کوردستان، ڕایدەگەیەنێت، کە پیسکردنی ژینگەی باشوری کوردستان زەنگێکی مەترسیدارە و ژیانمان ڕووبەڕووى مەرگ دەکاتەوە، ئەندامێکی ڕێکخراوەکەش دەڵێت: پێویستە حکومەت هاوکاریی ڕێکخراوەکان بکات، بۆ خزمەتکردن بە ژینگە.

 

سەروەر قەرەداغى، هاوسەرۆکى ڕێکخراوى سروشتى کوردستان و نەمام جەلال، هاوسەرۆکى ئۆفیسی دەربەندیخانى، ڕێکخراوى سروشتى کوردستان لە لێدوانیاندا بۆ رۆژنیوز، ئاماژە بە کێشە ژینگەییەکانی باشوری کوردستان دەدەن.

 

سەروەر قەرەداغی، وتی:"کێشە ژینگەییەکان و دەستدرێژییەکانى سەر ژینگە بەردەوامیى هەیە و ڕووی لە زیاد بوونە".

 

سەروەر قەرەداغی

 

قەرەداغی، ئاماژەی بە بەشێک لەو دەستدرێژییانە کرد و وتی:"دەستدرێژییکاران سەرچاوەکانی ئاو پیس دەکەن، ئاژەڵ و باڵندەکان لەناودەبەن، بەگشتیی ڕەگەزەکانی ئاووهەوا پیس دەکەن، ئەمەش زەنگێکی مەترسیدارە و کاریگەریی لەسەر نەوەکانى ئێستا و داهاتوومان دەبێت و ژیانمان ڕووبەڕووى مەرگ دەکاتەوە".

 

سەرۆکی ڕێکخراوی سروشتی کوردستان، ڕاشیگەیاند:"تا ئێستا  حکومەت نەیتوانیوە ئەو دەق و یاسایانەى بۆ سزادانى سەرپێچیکارانى ژینگە هەیە جێ بەجێ بکات وەک خۆی و ڕێگیریی بکات لەو دەستدرێژیانەى دەکرێتە سەر سروشت".

 

هەروەها، نەمام جەلال، پێیوایە، کە حکومەت کەمتەرخەمە لە خزمەتکردنى سروشت و ژینگەی ناوچەکە و دڵخۆشبوو بەوەی، ژمارەیەک ڕێکخراوی ژینگەى هەن خزمەت بە بوارەکەی خۆیان دەکەن و هەمیشە هەوڵی پاراستن و جوانکردنى ژینگە دەدەن.

 

نەمام جەلال

 

نەمام، بەپێویستیشیزانی، کە حکومەت هاوکاریی ڕێکخراوە ژینگەییەکان بکات، بۆ بەردەوامییدان بە کارەکانیان و خزمەتکردنی ژینگە.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 RojNews. Hemû mafên portala ROJNEWS Ajansa Nûçeyan a Roj hatine parastin