Smiley face
Smiley face
Smiley face

کوژرانی دەستگیرکراوێکی دیکەی ئێران ڕاگەیەندرا

2018-01-14 09:08:53



ڕۆژنیوز - ناوەندی هەواڵەکان

 

پاش ئەوەی شەوی ڕابردوو کوژرانی دەستگیرکراوێکی کورد بەناوی سارۆ قارەمانی لە زیندانی سنەدا ڕاگەیەندرا، ئەمڕۆ لە زیندانی چالوسی پارێزگای مازەندەرانیش دەستگیرکراوێکی دیکە کوژرا.

 

بەگوێرەی هەواڵێکی ئۆرگانی هەواڵی چالاکوانانی مافی مرۆڤ لە ئێران- هرانا، گەنجێکی تەمەن ٢٦ ساڵ لە شاری چالوسی سەربە پارێزگای مازەندەرانی ئێرانیش لەژێر ئەشکەنجەدا کوژراوە، بەم شێوەیە ژمارەی ئەو دەستیگرکراوانەی لە زینداندا کوژران دەگاتە حەوت کەس.

 

شەوی ڕابردوو کوژرانی، گەنجێکی کوردی تەمەن ٢٤ ساڵ بەناوی سارۆ قارەمانی لە زیندانی سنەدا ڕاگەیەندرا، کە ١١ ڕۆژ لەمەوبەر لە خۆپیشاندانەکاندا دەستگیرکرابوو، دایکی سارۆ بە ڕاگەیەندنەکانی وتووە، کە شوێنی لێدان و ئەشکەنجەی لە سەر جەستەی سارۆ بینیوە.

 

ئەمڕۆش هرانا کوژرانی عەلی پولادیی ڕاگەیاندووە، کە لە دوو ڕۆژ پێش ئێستا لە چالوس دەستگیر کرابوو، شەوی ڕابردوو تەرمەکەی ڕادەستی خانەوادەکەی کراوەتەوە.

 

حکومەتی ئێڕان سەرەڕای هەموو بانگەشەکانی بۆ مافی خۆپیشاندانی هاوڵاتیان دەیکات، حەوت کەس لە دەستگیرکراوەکانی خۆپیشاندانەکانی ئەم دواییانەی لە ژێر ئەشکەنجەدا کوشتووە.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin