Smiley face
Smiley face
Smiley face

کەشتییە ئێرانی-یەکە نقوم بووە و ٣٢ سەرنشینەکەشی گیانیان لەدەستداوە

2018-01-14 14:30:48



ڕۆژنیوز - ناوەندی هەواڵەکان


دوای هەفتەیەک لە ئاگرکەوتنەوە لە کەشتییەکی نەوت¬هەڵگری ئێرانی لە دەریاکانی دەوروبەری چیندا، حکومەتی ئێڕان گیان لە دەستدانی ٣٢ سەرنشین و نوقمبوونی تەواوەتی کەشتییەکەی ڕاگەیاند.


سەرۆکی دەزگای بەندەرەکان و دەریاوانی ئێران، ئەمڕۆ ڕایگەیاند، کە کەشتی نەوت هەڵگریی سانچیی ئێرانی، کە ٣٠ سەرنشینی ئێرانی و دوو سەرنشینی بەنگلادێشی تێدابوو بە تەواوی نوقم بوو و هەموو سەرنشینەکانیشی گیانیان لە دەستداوە.


پێشتر تەرمی سێ لە سەرنشینەکانی ئەو کەشتییە دۆزرابووەوە، بەڵام ئەمڕۆ محەمەد ڕاستاد، سەرۆکی دەزگای بەندەرەکان و دەریاوانی ئێران گیان لە دەستدانی ٢٩ سەرنشینەکەی دیکەشی ڕاگەیاند.


ڕاستاد ئاشکراشی کردووە، کە بەهۆی کەوتنەوەی ئاگر کەشتییەکە نوقم بووە و ئێستا بە تەواوەتی نوقم بووە و هیچ بەشێکی لەسەر ئاو نەماوە.


ئەو کەشتییە سەدان هەزار لیتر گازی ئێرانیی هەناردە دەکرد بۆ کوریای باکور، هەفتەیەک پێش ئێستا ئاگر لەناو کەشتیەکەدا کەوتەوە و وردەوردە بە تەواوەتی نوقم بوو پێش ئەوەی تیمە فریاگوزارییەکان خۆیان بگەیەننە لای.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin