Smiley face
Smiley face
Smiley face

دوو ئەندازیاری کورد لەلایەن هێزەکانی ئیتلاعاتەوە ڕفێندران

2018-01-16 13:14:57



ڕۆژنیوز - ناوەندی هەواڵەکان

 

دوو ئەندازیاری کوردی دانیشتووی شاری هەمەدانی ئێران لەلایەن هێزە ئەمنییەکانی ئێرانەوە ڕفێدنراون و گوازراونەتەوە و بۆ شوێنێکی نادیار.

 

بەگوێرەی هەواڵێکی سایتی خەبەرگەری ئێرانی، سەرلەبەیانیی ڕۆژی پێنجشەممە دوو ئەندازیاری کورد بە ناوەکانی ئەمین ئەشرەفی و جەواد ئەشرەفی لە شوێنی کارەکەیان لە شاری هەمەدان ڕفێندراون.

 

سەرەڕای ئەوەی خانەوادەی ئەمین ئەشرەفی و جەواد ئەشرەفی سەردانی لقی هەمەدانی وەزارەتی ئیتلاعاتیان کردووە، بەڵام بەڕێوبەرانی ئەو لقە هیچ وەڵامێکیان لە بارەی شوێنی مانەوەی ڕۆڵەکانیان پێنەداونەەتەوە و ڕێگایان نەداوە چاویان پێیان بکەوێت.

 

نازانرێت ئەو دوو ئەندازیارە لە چ دۆخێکدان، ئەوەش خانەوادەکانیانی نیگەران کردووە.

 

جێگای ئاماژەیە، کە ئەمین ئەشرەفی و جەواد ئەشرەفی لە بنکەی بەرهەمهێنانی وزەی هەمەدان کاریان دەکرد.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin