Smiley face
Smiley face
Smiley face

سبەینێ دەمیرتاش دەچێتەوە بەردەم دادگای ئەنقەرە

2018-01-16 17:42:28



ڕۆژنیوز – ناوەندی هەواڵەکان

 

بڕیارە سبەینێ جارێکیتر و بۆ وەرگرتنی وتەی دەربارەی دوو کەیس، سەڵاحەدین دەمیرتاش هاوسەرۆکی گشتی هەدەپە بچێتە بەردەم دادوەر لە دادگای ئەنقەرە.

 

بۆ ئامەدەبوونی لە دادگای ئەنقەرە، ئەمڕۆ دەمیرتاش لە گرتوخانەی ئەدرنەوە هێندراوەتە گرتووخانەی سینجان لە ئەنقەرە.

 

بڕیارە سبەینێ لە دووکاتی بەدوای یەکدا، سەلاحەدین دەمیرتاش بەشداری دانیشتنەکانی دادگای ئەنقەرە بکات و وتەی دەربارەی دوو تۆمەت لێ وەربگیرێت.

 

ئەمە لە کاتێکدایە، ١٢ی ئەم مانگە، دەمیرتاش بۆیەکەم جار خۆی ئامادەی بەردەم دادوەربوو لە دادگای ئەنقەرە،و لە دادگاییکەدا پارێزگارینامەیەکی خوێدەوەو، وتی: لەگەڵ ئەوەی کە لەم دانیشتنەدا بەشیوەیەکی کراوە دادگایی دەکرێم، بەڵام لە هەلومەرجێکی سەختدا پارێزگاریی لەخۆم دەکەم.

 

 

وتیشی: بەرلەوەی پەرلەمانتارێک سزابدرێت، پێویستە پارێزبەندی لەسەر هەڵبگیرێت، هەروەها لە لایەن داواکاری گشتی و دادگاوە لێکۆڵینەوەی لە کەیسەکەی کرابێت، بەڵام تاوەکو ئێستا لەلایەن دادگاوە هیچ پشکنینێک بۆ لێپرسینەوە لە من نەکراوە.

 

دوای خوێندنەوی پارێزگاریینامەکەی، دادگا بڕیاری دواخستنی دانیشتنی لەسەر ئەو کەیسەی دەمیرتاش دەرکرد، بۆ ١٧-٠٥-٢٠١٨.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin