Smiley face
Smiley face
Smiley face

هاوکاری بەسەر منداڵانی ئاوارەی خورماتوو دابەش کرا 

2018-01-19 14:54:02



ڕۆژنیۆز ـ هاوڕێ کرێکار 

 

ئەنجومەنی جەماوەری خورماتوو، بەهاوکاری ڕێکخراوێکی ئەمەریکی، ماوەی دوو ڕۆژە، هاوکاری بەسەر زیاتر لە ٦۰۰ منداڵی ئاوارەی خورماتوودا، دابەش کردووە. 

 

پێشنیوەڕۆی ئەمڕۆ، لە هۆڵی شەهید حەمە کەلاری لە شارەدێی ڕزگاری و گەڕەکی کەلاری نوێ لە شارۆچکەی کەلار، جلوبەرگ بەسەر منداڵانی خورماتوودا، دابەش کرا. 

 

سیروان خورشید، ئەندامی ئەنجومەنی جەماوەری خورماتوو، بۆ ڕۆژنیوز وتی: ماوەی دوو ڕۆژە، زیاتر لە ٦۰۰ قەمسەڵەمان، بەسەر منداڵانی ئاوارەی شارۆچکەی خورماتوودا دابەش کردوو، لە کەمپی ئاوارەکانی تازەدێ و گەڕەکی کەلاری نوێی و شارەدێی ڕزگاری. 

 

 

سیروان خورشید، وتیشی: ئەم هاوکارییە لە لایەن ڕێکخراوێکی ئەمریکی بۆهاوکاریکردنی ئاوارەکان دابین کراوە و بە هاوبەشی لە گەڵ ئەنجومەنی جەماوەری خورماتوودا، پێکەوە بەسەر ئاوارەکاندا دابەش دەکرێت. 

 

هەروەها نابراو، باسی لەوەش کرد، ئەو قەمسەڵانەی بەسەر منداڵانی خورماتودا دابەش دەکرێن، بۆ تەمەنی یەک ساڵ بۆ پێنج ساڵ ـ ە، بڕیاریشە سبەینێ لە گوندەکان بەهەمان شێوە بەسەر منداڵانی ئاوارەدا دابەش بکرێت. 

د.خ 

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin