Smiley face
Smiley face
Smiley face

نیاز عەبدوڵا: ئەردۆغان تیرۆرستترین هێزی ڕۆژهەڵاتی ناوەڕاستە

2018-01-22 20:34:31



ڕۆژنیوز - قەرەچوغ ئەنوەر

 

نیاز عەبدوڵا، ئەردۆغان بە "خودای شەڕ" لە ڕۆژهەڵاتی ناوەڕاست ناودەبات و دەڵێت:"تیرۆرسترین هێزی ڕۆژهەڵاتی ناوەڕاستە".

 

ماوەی سێ ڕۆژە دەوڵەتی داگیرکەری تورک لەڕێگای زەمینیی و ئاسمانییەوە پەلاماری کانتۆنی عەفرین-ی ڕۆژئاوای کوردستان دەدات و هەوڵی داگیرکردنی دەدات.

 

نیاز عەبدوڵا، ڕۆژنامەنووس و چالاکوانی مەدەنی، بە ڕۆژنیوزی وت:"ئەوەی دەوڵەتی تورک لە ڕۆژئاوا دەیکات جگە لە پێشێلکردنی سەروەریی خاکی سوریا و ڕۆژئاوا، دەستدرێژییەکی ڕوون و دوژمنکارانەیە، بۆیە ئەوەی ئەردۆغان دەیکات، دەکرێت ناوی لێبنێین خودای شەڕی ڕۆژھەڵاتی ناوەڕاست، چونکە خودایەکی نوێی شەڕە لەناوچەکە".

 

نیاز عەبدوڵا، وتیشی:"ئەردۆغان چەندین ساڵە بەناوی جیا جیا و بیانووی جیاواز، دەمێک بەناوی کودەتا و دەمێکیش بەناوی تۆمەتبارکردنی پەکەکە و پەیەدە، دەستدرێژیی و کۆمەڵکوژیی ئەنجام دەدات، بۆیە ئەردۆغان سەلماندی کە تیرۆریسترین ھێزی ڕۆژھەڵاتی ناوەڕاستە".

 

ئەو ڕۆژنامەنووسە، لە بەرامبەر "تیرۆریزمیی ئەردۆغان"دا، ئاماژەی بە بەرخۆدانی ڕۆژئاوای کوردستان کرد و وتی:"ڕۆژئاوا سەلماندوویەتی ناکەوێت و عەفرین-یش بە تۆپ و دەبابەکانی تورکیا ناکەوێت".

 

نیاز عەبدوڵا، پێشیوابوو، کە دەبێت فشاخر بخرێتە سەر نەتەوە یەکگرتووەکان بۆ ڕاگرتنی پەلامارەکانی تورکیا و وتی:"نەتەوەیەکگرتووەکان لایەنێکی گرنگە بەو پێیەی وڵاتان تێیدا ئەندامن و زۆرێک لە وڵاتەکان یاساییان واژۆ کردووە، ھەرەیەکە لەوانە ناچار و بەرپرس دەکات لە دەست نەبردن بۆسەر وڵاتانی دراوسێ و ھێرشنەکردنە سەر ھاوڵاتیانی مەدەنیی".

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin