Smiley face
Smiley face
Smiley face

"دەیانەوێت مێژووی کۆماری کوردستان لە عەفرین دووبارەبکەنەوە"

2018-01-23 09:53:03



ڕۆژنیوز - بۆتان گەرمیانی

 

چالاکوانێکی مەدەنی پێیوایە، کە ڕوسیا دەیەوێت لە عەفرین هەمان مێژووی کۆماری کوردستان لە مهاباد دووبارەبکاتەوە، چالاکوانێکی دیکەش ڕای وایە، کە ئەمجارە گەلی کورد بە پشتبەستن بە ئیرادەی پۆڵایینی خۆی هاتوەتە مەیدان، بۆیە سەردەکەوێت.

 

بەشێک لە چالاکوانانی شارۆچکەی کفری-ی سنوری ئیدارەی گەرمیان، لە لێدوانیاندا بۆ ڕۆژنیوز، باس لە هەڵوێستی ڕوسیا دەکەن، بەرامبەر بە هێرشەکانی دەوڵەتی تورک بۆسەر کانتۆنی عەفرین لە ڕۆژئاوای کوردستان.

 

سەڵاح گەرمیانی، چالاکوانی مەدەنی لە شارۆچکەی کفری بۆ ڕۆژنیوز وتی:"٧١ ساڵ لەمەوبەر کۆماری کوردستان لە شاری مهاباد-ی ڕۆژهەڵاتی کوردستان، بە هاوکاری وڵاتی ڕوسیا وەکوو زلهێزێکی ناوچەکە دامەزرا، بەڵام دوای گۆڕانی بەرژەوەندییەکانی روسیا، دەستی لە کۆمار بەردا و کۆماری کوردستان لە مهاباد توایەوە".

 

 

وتیشی:"دوای ٧١ساڵ، مێژوو خۆی دووبارەدەکاتەوە لە کانتۆنی عەفرین لە ڕۆژئاوای کوردستان، کانتۆنی عەفرین لەژێر چاودێری فڕۆکە جەنگییەکانی ڕوسیا بوو، بەڵێنی ئەوەش درابوو کە پارێزراو بێت لە هەر دەست و هێرشێکی دەرەکی، بەڵام دیسان بەهۆی بەرژەوەندییەکانییەوە پشتی لە گەلی کورد کرد، کە بە ڕەزامەندی ئەو دەوڵەتی تورک و هێزە تیرۆرستییە هاوپەیمانەکانی، هێرش و کۆمەڵکوژی لەسەر عەفرین دەکەن".

 

ئاماژەی بەوەش دا:"نابێت گەلی کورد پشتیان پێببەستێت، بەڵکو دەبێت پشت بە هێزی گەل و ئازادیخوازان ببەستێت".

 

ئارام محەمەد چالاکوانێکی دیکەیە لە شارۆچکەی کفری، دەڵێت:"ڕوسیا دەیەوێت لە کانتۆنی عەفرین-ی ڕۆژئاوای کوردستان هەمان ئەزموون و مێژووی کۆماری مهاباد دووبارەبکاتەوە، بەڵام گەلی کورد بە سوودوەرگرتن لە ئەزموونی پێشووی، ئەمجارە بە پشتبەستن بە ئیرادەی پۆڵاینی خۆی بە فەلسەفە و باوەڕی و دروشمێکی ترەوە هاتونەتە مەیدان و بە گەنج و ژنەوە بەرخۆدانییەکی مەزن پێشکەشی مرۆڤایەتی دەکەن".

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin