Smiley face
Smiley face
Smiley face

فراکسیۆنە کوردییەکان: تێکچوونی ئاسایشی ڕۆژئاوا دەبێته ھۆی ناسەقامگیریی لە گشت ناوچەکە

2018-01-23 11:55:27



ڕۆژنیوز - ناوەندی هەواڵەکان

 

فراکسیۆنە کوردییەکانی ئەنجومەنی نوێنەرانی عێراق ڕایدەگەیەنن، کە تێکچوونی ئاسایشی ڕۆژئاوا دەبێته ھۆی ناسەقامگیریی لە گشت ناوچەکە و ڕێخۆشکەر دەبێت بۆ پەرەسەندنی ڕێکخراوە تیرۆریستەکان.

 

ئێوارەی دوێنێ، فراکسیۆنە کوردییەکان لە ئەنجومەنی نوێنەرانی عێراق لە بەغدای پایتەخت، لە بینای پەرلەمان بە ئامادەبوونی ژمارەیەک دەزگای ڕاگەیاندن ڕاگەیاندراوێکی نووسراویان لە دژی پەلاماری دوژمنکارانەی تورکیا بۆ سەر عەفرین بۆ رای گشتی خوێندەوە.

 

لە سەرەتای ڕاگەیاندراوەکەدا هاتووە: فراکسیۆنە کوردستانییەکان لە پەرلەمانی عێراق ئیدانەی پەلاماری دوژمنکارانەی تورکیا دەکات بۆ سەر شاری عەفرین و شەھید کردنی خەڵکی سڤیل.

 

ئەوەش هاتووە: کوردی ڕۆژئاوا و ھێزەکانی سوریای دیموکرات ڕۆڵی سەرەکیان ھەبووە لە تێکشکاندنی ڕێکخراوی تیرۆرستی داعش و ڕوخانی بەناو پایتەختەکەیان، پێویستە کۆمەڵگای نێودەوڵەتی و ئەنجومەنی ئاسایش و وڵاتانی ناوچەکە بەر بەم ھێرش و سیاسەتی دوژمنکارانەی تورکیا بگرن، چونکە تێکچوونی ئاسایشی ڕۆژئاوا دەبێته ھۆی ناسەقامگیریی لە گشت ناوچەکە و ڕێخۆشکەر دەبێت بۆ پەرەسەندنی رێکخراوە تیرۆریستەکان.

 

لە کۆتاییشدا ئاماژە بەوە کراوە: لەھەمان کاتدا پێویستە حکومەتی تورکیا دەست ھەڵبگرێ لەم سیاسەتەی پەیڕەوی دەکات بە تێکدانی سەقامگیریی و شەھیدکردنی خەڵکی سڤیل و چارەسەرکردنی ھەر کێشەیەک ھەبێت بە دانوستان.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : rojnewsso@gmail.com
© Copyright 2015 . Hemû mafên portala ROJNEWS Ajansa Nûçeyan a Roj hatine parastin